03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Ուկրաինան ավելի անարդյունավետ է որսում ռուսական հրթիռները, քան պատերազմի սկզբում․ WSJ
Քաղաքականություն
13.05.2024 | 13:40
Վերջին վեց ամսվա ընթացքում Ուկրաինային հաջողվել է որսալ Ռուսաստանի կողմից արձակված հրթիռների մոտ 46%-ը, մինչդեռ նախորդ կիսամյակում այդ ցուցանիշը գերազանցել է 70%-ը, հաշվարկել են WSJ-ի լրագրողներն Ուկրաինայի զինված ուժերի ռազմաօդային ուժերի հրամանատարության հրապարակած տվյալների հիման վրա։
Անցած ամիս Ուկրաինայի զինված ուժերին հաջողվել է որսալ հրթիռների միայն 30%-ը։ Ընդ որում, ուկրաինացի զինվորականներին դեռ հաջողվում է որսալ «Շահեդ»-ների ավելի քան 80%-ը, որոնց ավելի հեշտ է խոցել։
Ռուս զինվորականները, մինչդեռ, մեծացրել են Ուկրաինայում հրթիռային և անօդաչու սարքերի հարվածների ինտենսիվությունը, ինչպես նաև սկսել են հրթիռներ արձակել, որոնք ավելի դժվար են խոցում ՀՕՊ համակարգերը, գրում է թերթը։
Ուկրաինայի զինված ուժերի զինանոցում էլ սպառվում են Patriot համակարգերի համար նախատեսված զինամթերքի պաշարները, որոնք նրանց ամենաարդյունավետ պաշտպանությունն են օդային հարձակումներից։
WSJ-ի՝ Եվրոպական ռազմական հետախուզության անանուն աղբյուրի գնահատականների համաձայն՝ առաջիկա երկու ամիսները կարևոր կլինեն Ուկրաինայի զինված ուժերի համար, որոնք պետք է սպասեն զինամթերքի և հակաօդային պաշտպանության համակարգերի մատակարարմանը:
