24.06.2026 | 18:34
Երևանում ավելի քան 5 ամիս փակ կլինի Արին Բերդ փողոցի ճանապարհահատվածներից մեկը
Լիտվայում նախագահական ընտրությունների երկրորդ փուլ կանցկացվի
Քաղաքականություն
13.05.2024 | 14:10
Լիտվայում տեղի է ունեցել նախագահական ընտրությունների առաջին փուլը։ Դրանց արդյունքներով պետության գործող ղեկավար Գիտանաս Նաուսեդան և վարչապետ Ինգրիդա Շիմոնիտեն դուրս են եկել երկրորդ փուլ։
Կենտրոնական ընտրական հանձնաժողովի տվյալներով՝ ձայների մեծամասնության հաշվարկի արդյունքներով Նաուսեդան հավաքում է ձայների 44%-ը, իսկ Շիմոնիտեն՝ 19%-ը։ Ընտրություններին մասնակցությունը կազմել է 59,4 տոկոս, փոխանցում է DW-ի ռուսական ծառայությունը։
«Այո, ես ուզում էի հաղթել առաջին փուլում, բայց, ըստ երևույթին, կլինի երկրորդ փուլ։ Ես պատրաստ եմ ամուր պայքարել հաղթանակի համար և կարծում եմ, որ կկարողանամ դա անել։ Հիմա իմ հիմնական նպատակը երկրորդ փուլ դուրս գալն էր, և կարծում եմ՝ հասել եմ դրան»,- Նաուսեդայի խոսքերն է մեջբերում Delfi-ն։
Լիտվայի նախագահական ընտրություններին, ընդհանուր առմամբ, մասնակցել է ութ թեկնածու։ Նրանց թվում են փաստաբան Իգնաս Վեգելեն, Լիտվայի Սեյմի նախկին պատգամավոր Ռեմիգիուս Զեմայտայտիսը, որը մանդատից զրկվել է հակասեմական հայտարարությունների պատճառով, և այլք։
