11.08.2026 | 20:06
Բնակարաններ՝ նորընծա սպաներին․ Սուրեն Պապիկյանը ստորագրել է հավաստագրերը
Կիրակի օրը Բելգորոդի մարզում 19 մարդ է մահացել
Քաղաքականություն
13.05.2024 | 10:58
Կիրակի օրը Բելգորոդում և Բելգորոդի մարզում հրետակոծությունների հետևանքով զոհվել է 19 մարդ, հայտնել է շրջանի նահանգապետ Վյաչեսլավ Գլադկովը, փոխանցում է BBC-ի ռուսական ծառայությունը։
Ըստ Գլադկովի՝ 15 մարդ մահացել է Շչորսա փողոցի բնակելի շենքի մուտքի փլուզման հետևանքով, ևս 3-ը մարզի այլ հատվածներում հրթիռակոծման հետևանքով։ Մահացել է նաև նախորդ օրը՝ մայիսի 11-ին, վնասվածքներով հիվանդանոց տեղափոխված կինը։
Կիրակի օրը տեղի ունեցած հրետակոծության հետեւանքով 27 մարդ վիրավորվել է։
Մայիսի 12-ին ռուսական ԶԼՄ-ները հաղորդել էին, որ ուկրաինական հրթիռի բեկորների ընկնելու հետևանքով Բելգորոդում փլուզվել է 10-հարկանի շենքի մուտքը։ Նշվում է, որ Բելգորոդը գնդակոծվել է ամբողջ օրվա ընթացքում առնվազն 10 անգամ։ Ըստ ՌԴ պաշտպանության նախարարության՝ հարվածները հասցվել են «Տոչկա-Ու» հրթիռային համալիրներից, «Օլխա» համազարկային կրակի ռեակտիվ համակարգերից և չեխական «RM-70 Vampire» համակարգերից։ ՀՕՊ համակարգերը խոցել են արկերը, սակայն «Տոչկա-Ու»-ի հրթիռներից մեկի բեկորները հարվածել են բնակելի շենքին։
