09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Արարատ-Արմենիան առաջին անգամ դարձավ Հայաստանի գավաթակիր
12.05.2024 | 21:49
«Արարատ-Արմենիան» իր պատմության մեջ առաջին անգամ հռչակվեց Հայաստանի գավաթակիր՝ 2023/24 խաղարկության եզրափակչում հետխաղյա 11-մետրանոց հարվածաշարում առավելության հասնելով «Ուրարտուի» նկատմամբ: Այս մասին հաղորդում է ArmSport-ը։
Հանդիպման հիմնական ժամանակն ավարտվեց ոչ-ոքի՝ 1:1 հաշվով: Խաղի հաշիվը 31-րդ րոպեին բացեց «Ուրարտուի» ֆուտբոլիստ Միքայել Միրզոյանը, իսկ 6 րոպե անց հավասարակաշռությունը վերականգնեց Ալեքսիս Ռոդրիգեսը «Արարատ-Արմենիայից»:
Լրացուցիչ ժամանակում ևս թիմերին չհաջողվեց գրավել միմյանց դարպասներն ու հաղթողը որոշվեց հետխաղյա 11-մետրանոց հարվածաշարում: Այստեղ արդեն, Վարդան Մինասյանի սաները 5 անվրեպ հարված կատարեցին դարպասին, դարպասապահ Արսեն Բեգլարյանն էլ աչքի ընկավ գեղեցիկ սեյվով և նպաստեց իր թիմի՝ 5:3 հաշվով հաղթանակով:
