09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Ուկրաինան ի վիճակի է արդյունավետորեն պահել առաջնագիծն արևելքում․ ԱՄՆ պետքարտուղար
Քաղաքականություն
12.05.2024 | 21:32
Ուկրաինան ի վիճակի է արդյունավետորեն պահել առաջնագիծն արևելքում, շարունակել օգտվել Սև ծովում ձեռք բերած առավելություններից և նաև հարձակման տակ պահել ռուսական զորքերը, այդ թվում՝ Ղրիմում, ինչը կդժվարացնի նրանց իրականացնել հետագա ագրեսիան»։ Այս կարծիքը հայտնել է ԱՄՆ պետքարտուղար Անտոնի Բլինքենը կիրակի օրը CBS News հեռուստաալիքին տված հարցազրույցում․ փոխանցում է DW-ն։
Մեկնաբանելով Ուկրաինայում ռուսական զորքերի վերջին հաջողությունները՝ Պետդեպարտամենտի ղեկավարն ասել է, որ ներկայիս իրավիճակը բարդ է, սակայն Կիևը, ինչպես նախկինում, այժմ էլ կարող է հույսը դնել արևմտյան դաշնակիցների օգնության վրա։ «Մենք ոչ մի տեղ չենք գնում, ինչպես մոտ 50 երկրներ, որոնք աջակցում են Ուկրաինային։ Եվ եթե Պուտինը կարծում է, որ ավելի շատ տոկունություն ունի, քան Ուկրաինան, քան նրա կողմնակիցները, ապա նա սխալվում է»,- ընդգծել է Բլինքենը։
Միևնույն ժամանակ, Բլինքենը խոստովանել է, որ ԱՄՆ-ից Կիևին նոր ֆինանսական օգնության համաձայնեցման և Ուկրաինա զենք ուղարկելու մի քանի ամիս ուշացումը «իր գինն ուներ»։ «Այնուամենայնիվ, այժմ Վաշինգտոնը ամեն ինչ անում է, որպեսզի շատ արագ օգնություն ուղարկի Ուկրաինա և եվրոպացիները նույնպես անում են նույնը»,- ասել է Պետդեպարտամենտի ղեկավարը:
Միաժամանակ նա հիշեցրել է մայիսի 10-ին ԱՄՆ նախագահ Ջո Բայդենի հրամանագիրը Կիևին 400 մլն դոլարի չափով ռազմական օգնություն հատկացնելու մասին։
