ՌԴ-ն ցնցումների սցենար ունի՝ մեծաթիվ կրիմինալ է ներմուծել Հայաստան․ Քոչարյանն է իր խաղացողը․ Հովսեփ Խուրշուդյան. ՏԵՍԱՆՅՈՒԹ

Բագրատ արքեպիսկոպոս Գալստանյանի շուրջ համախպմբված ընդդիմադիր ուժերը՝ «Հայաստան» և «Պատիվ ունեմ» դաշինքները փորձում են Նիկոլ Փաշինյանին անվստահություն հայտնելու նախագիծ ներկայացնել ԱԺ։ Բայց չի բավարարում 36 պատգամավորի ստորագրություն, քանի որ 35 ընդդիմադիր է պատրաստ ստորագրել։ Հայտնի չէ՝ 2021-ին «Պատիվ ունեմ» խմբակցությունից դեռևս 2021 -ին դուրս եկած Իշխան Զաքարյանը կմիանա՞ ընդդիմադիրներին, թե՞ ոչ։ Եվ գլխավոր հարցը՝ ՔՊ-ում կգտնվի՞ մեկը, ով կմիանա ընդդիմությանը։ Factor TV-ի հարցազրույցում «Ազատ քաղաքացի» ՀԿ ղեկավար Հովսեփ Խուրշուդյանը պատասխանելով հարցին՝ կհաջողվի՞ սկսել իմպիչմենտի գործընթաց, թե՝ ոչ, նշեց․

«Ակնհայտ է, որ այս պրոցեսը դեմքը փրկելու համար է։ Սա չէր նախատեսված և սա անիմաստ ինչ-որ գործընթաց է։ Իրենք էլ գիտեն, որ հնարավոր չէ ռեալ իշխանափոխության գործընթաց իրականացնել, դրա համար՝ մանդատները նույնիսկ վայր չեն դնում։ Ակնհայտ է, որ եթե իրենք վստահ լինեին, որ կարողանալու են պրոցեսը հասցնել մինչև վերջ, մանդատները վայր կդնեին, կսկսեին շատ ավելի լուրջ գործընթաց։ Բայց Սկսում են ինչ-որ իմպիչմենտի գործընթաց, որտեղ ունեն անբավարար թվով ձայներ։ Դա արվում է դեմքը փրկելու համար»։

Հովսեփ Խուրշուդյանը վստահ է, որ այս պրոցեսի նպատակը իշխանափոխությունն է, որը ծրագրված է Ռուսաստանի կողմից։ Ըստ նրա՝ Փաշինյանը Հայաստանը ուղեկցում է դեպի Եվրոպա, ինչին խիստ դեմ է Ռուսաստանը, և փորձ է արվում կանխել այդ պրոցեսը՝ Փաշինյանին հեռացնելու և Քոչարյանին իշխանության բերելու միջոցով։ Խուրշուդյանը վստահ է, որ չի հաջողվելու այս պրոցեսը։

«Ազատ քաղաքացի» ՀԿ ղեկավարը խոսեց նաև Արցախի ազատագրման և արցախցիների վերադարձի՝ ընդդիմության խոստումների, սահմանազատման կասեցման հետևանքով՝ նոր պատերազմի սկսման վտանգի, ՀՀ 5 մարզից ռուսական զորքերը հանելու սկսված պրոցեսի, ՀՀ ներքաղաքական հարցերին կրիմինալի միջոցով խառնվելու Ռուսաստանի փորձերի և այլ հարցերի մասին։

Հարցազրույցն ամբողջությամբ՝ տեսանյութում։

Ռոբերտ Անանյան