06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Արտակ Սարգսյանին պատկանող «ՍԱՍ Գրուպ» ՍՊԸ-ին ծառայողական ավտոկայանատեղ հատկացնել․ ավագանին նախագիծ է ներկայացրել
Տնտեսություն
10.05.2024 | 20:13
Երևանի ավագանին մայիսի 14-ին նիստ կգումարի։ Օրակարգում ընդգրկված է 28 հարց, որից միայն 2-ն է զեկուցվող։
Չզեկուցվող հարցերից մեկը ծառայողական ավտոկայանատեղ կազմակերպելու իրավունք տալու մասին է։ Նախագծով առաջարկվում է Արշակունյաց պողոտայի հ.11/1 շենքին հարակից ճանապարհահատվածի երթևեկելի մասի տեղային լայնացման հատվածում, Հալաբյան 22/5 շենքի հարակից ճանապարհահատվածում և Կոմիտասի պողոտա հ.52 շենքի թիվ 72 տարածքին հարակից ճանապարհահատվածում ՀՀԿ-ական նախկին պատգամավոր, գործարար Արտակ Սարգսյանին պատկանող «ՍԱՍ Գրուպ» ՍՊԸ-ին իրավունք տալ կազմակերպել ծառայողական ավտոկայանատեղ։ Երևանի քաղաքապետ Տիգրան Ավինյանի հեղինակած նախագծի հիմնավորման մեջ նշված է, որ ծառայողական ավտոկայանատեղ կազմակերպելու թույլատրման խնդրանքով դիմել է «Սաս Գրուպ» ՍՊ ընկերությունը:
Նշենք, որ որոշման ընդունման դեպքում այլ տրանսպորտային միջոցները նշված հասցեներում շաբաթվա բոլոր օրերին կայանման սահմանափակում կունենան, սակայն, եթե այնուամենայնիվ կայանեն այդ հատվածներում՝ «ՍԱՍ Գրուպ» ընկերությունը իրավունք չունի վճար գանձելու։
Արփի Հակոբյան
