24.02.2026 | 16:43
ՀԷՑ-ում ավարտվել են բարձրավոլտ ենթակայանների ստուգայցերը․ արձանագրվել են համակարգային խնդիրներ
Ուկրաինայի իշխանությունները տարհանում են բնակչությանը Վոլչանսկից ու հարևան շրջաններից
Քաղաքականություն
10.05.2024 | 19:49
Ուկրանական Վոլչանսկի շրջանային վարչակազմի ղեկավար Թամազ Ղամբարիշվիլին հայտնել է, որ ռուսական կտրուկ ուժեղացված գնդակոծության պատճառով իշխանությունները սկսել են Վոլչանսկի և հարակից շրջանների բնակիչների կամավոր տարհանումը, փոխանցում է BBC-ի ռուսական ծառայությունը։
«Այժմ մենք տարհանում ենք բնակչությանը՝ ըստ ցանկության։ Մարդկանց մեծամասնությունը հեռանում է սեփական մեքենաներով, բայց մենք հումանիտար կենտրոնի հետ միասին կազմակերպում ենք այն մարդկանց տեղափոխումը, ովքեր հնարավորություն չունեն ինքնուրույն հեռանալ»,- ասել է նա։
Ղամբարիշվիլին հայտնել է, որ այժմ Վոլչանսկ քաղաքում ապրում է մոտ 3 հազար մարդ (մինչ պատերազմը բնակչությունը կազմում էր շուրջ 17 հազար մարդ):
Ղամբարիշվիլիի խոսքով՝ մարդկանց դուրս են բերում Վոլչանսկից և մոտակա բնակավայրերից, որոնք այժմ գտնվում են զանգվածային հրետակոծության տակ, և տեղափոխում են Խարկով։
«Քաղաքը զանգվածաբար հրետակոծվում է։ Ինչպես տեղացիներն են ասում՝ նման բան դեռ չեն լսել ու տեսել։ Ամբողջ բնակավայրի, ամբողջ քաղաքի զանգվածային գնդակոծում է։ Ահա թե ինչու է հիմա այնտեղ լինելը վտանգավոր»,- ասել է նա:
Ըստ պաշտոնյայի՝ Վոլչանսկի հրետակոծությունը անընդհատ է եղել, բայց ուրբաթ գիշերը ժամը 3-ից սկսած կտրուկ ուժեղացել է։ Միաժամանակ, ռուս զինվորականները կիրառել են բազմակի արձակման հրթիռային համակարգեր, հրետանի և կառավարվող ռումբեր։ Նա հավելել է, որ գնդակոծության հետևանքով բազմաթիվ ավերածություններ են եղել, սակայն զոհերի և վիրավորների մասին տեղեկություններ չկան։
