09.03.2026 | 16:31
Իրանի ԱԳՆ-ն հայտարարում է, որ երկրի զինված ուժերը չեն հարձակվել Ադրբեջանի, Թուրքիայի և Կիպրոսի վրա
Բայրամովը հույս է հայտնել, որ Հայաստանի հետ 2-օրյա բանակցություններում լուծումներ կգտնվեն բաց հարցերին
Քաղաքականություն
10.05.2024 | 15:30
Ալմաթիում Ադրբեջանի և Հայաստանի արտաքին գործերի ղեկավարների բանակցությունները կշարունակվեն երկու օր։ Այս մասին մասին ՀՀ ԱԳ նախարար Արարատ Միրզոյանի հետ հանդիպումից առաջ ասել է Ադրբեջանի արտաքին քաղաքական գերատեսչության ղեկավար Ջեյհուն Բայրամովը, գրում են ադրբեջանական լրատվամիջոցները։
Նրա խոսքով՝ Ալմաթիում բանակցությունները շատ օգտակար կլինեն հայ-ադրբեջանական հարաբերությունների կարգավորման տեսանկյունից։
«Մենք շատ ենք կարևորում այս գործընթացը և պատրաստ ենք շարունակել աշխատանքը։ Կարծում եմ, որ Ալմաթիում բանակցությունները շատ օգտակար կլինեն։ Հուսով եմ, որ առաջիկա երկու օրերին մենք կգործենք դրական ուղղությամբ՝ լուծում գտնելու բաց հարցերին, որոնք դեռևս կան»,- ասել է նա։
Հիշեցնենք՝ Ալմաթիում մեկնարկել է Հայաստանի և Ադրբեջանի ԱԳ նախարարների հանդիպումը։
