20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Բայրամովը Ղազախստանի ԱԳ նախարարի հետ քննարկել է Հայաստանի հետ հարաբերությունների կարգավորման գործընթացը
Քաղաքականություն
10.05.2024 | 15:08
Ղազախստան այցի ընթացքում Ադրբեջանի ԱԳ նախարար Ջեյուն Բայրամովը հանդիպել է երկրի փոխվարչապետ, ԱԳ նախարար Մուրատ Նուրտլաուի հետ։ Ադրբեջանական կողմի փոխանցմամբ՝ կողմերը քննարկել են երկու երկրների միջև երկկողմ և բազմակողմ համագործակցության օրակարգը, ինչպես նաև ռազմավարական գործընկերության հեռանկարները տարբեր ոլորտներում, այդ թվում՝ տնտեսության, էներգետիկ անվտանգության, ներդրումների և հաղորդակցության ոլորտներում։
Ջեյհուն Բայրամովն իր ղազախ գործընկերոջը տեղեկացրել է տարածաշրջանային և խաղաղության գործընթացի ներկա իրավիճակի մասին։ Նա վստահություն է հայտնել, որ Ադրբեջանի և Հայաստանի սահմանազատման հանձնաժողովների միջև ձեռք բերված վերջին պայմանավորվածության ֆոնին այսօրվա բանակցությունները կնպաստեն կարգավորման գործընթացին։
Բայրամովը շնորհակալություն է հայտնել ղազախական կողմին Ադրբեջանի և Հայաստանի միջև երկկողմ խաղաղության գործընթացի խթանմանն ուղղված աջակցության և գործունեության համար։
Նշենք, որ Ալմաթիում արդեն մեկնարկել է Հայաստանի և Ադրբեջանի ԱԳ նախարարների հանդիպումը։
