23.11.2024 | 16:35
Թուրքիայի հետախուզության ղեկավարն ու գլխավոր ընդդիմադիր կուսակցությունը հանդիպում են անցկացրել անվտանգության հարցերի շուրջ
Իսրայելը դժգոհություն է հայտնել զենքի մատակարարումը մասամբ դադարեցնելու՝ ԱՄՆ-ի որոշման կապակցությամբ
Քաղաքականություն
10.05.2024 | 20:44
Իսրայելցի պաշտոնյաները դժգոհություն են հայտնել ԱՄՆ նախագահ Ջո Բայդենի՝ Իսրայելին զենքի վաճառքը մասնակիորեն դադարեցնելու որոշման առնչությամբ՝ մտահոգված լինելով Ռաֆահում ռազմական գործողությունն ընդլայնելու իսրայելական ծրագրերով, որին ԱՄՆ-ը չի աջակցում, գրում է VOA-ն։
ՄԱԿ-ում Իսրայելի դեսպան Գիլադ Էրդանը որոշումը «բարդ ու շատ հիասթափեցնող հայտարարություն է անվանել, որը հնչել է մի նախագահից, ում Իսրայելը շնորհակալ է եղել պատերազմի հենց սկզբից»։
«ՀԱՄԱՍ-ը սիրում է Բայդենին»,- X-ում գրել է Իսրայելի ազգային անվտանգության նախարար Իտամար Բեն Գվիրը։
CNN-ին տված հարցազրույցում նախագահ Ջո Բայդենը հայտարարել էր, որ ԱՄՆ-ը կշարունակի Իսրայելին պաշտպանական զենք մատակարարել, ինչպիսին է «Երկաթե գմբեթի» համար անհրաժեշտ զինամթերքը:
«Ես հստակ հասկացրել եմ, որ եթե նրանք մտնեն Ռաֆահ (իսկ նրանք դեռ չեն մտել), ապա ես չեմ մատակարարի զինամթերք, որոնք նրանք օգտագործել են Ռաֆահում, այլ քաղաքներում՝ այս խնդիրը լուծելու համար»,- ասել է նա:
Գազայի հատվածի հարավում գտնվող Ռաֆահի վրա ցամաքային հարձակումը սպառնում է 1,3 միլիոն խաղաղ բնակիչների կյանքին, հայտարարել են ԱՄՆ պաշտոնյաները:
