20.05.2024 | 20:15
«Ինչ դարձել ա էլեկտրոնային, դեղ չենք առնում»․ դեղատոմսի նոր կարգի խնդիրը շարունակում է արդիական մնալ. ՏԵՍԱՆՅՈՒԹ
Պուտինը Միշուստինին առաջադրել է վարչապետի պաշտոնում
Քաղաքականություն
10.05.2024 | 10:39
ՌԴ նախագահ Վլադիմիր Պուտինը, ըստ էության, որոշել է չփոխել վարչապետին։ Պետդումայի խոսնակ Վյաչեսլավ Վոլոդինը հայտնել է, որ Պուտինը ուրբաթ վաղ առավոտյան Միխայիլ Միշուստինի թեկնածությունն առաջադրել է վարչապետի պաշտոնում։ Նա ՌԴ կառավարությունը ղեկավարում է 2020 թվականի սկզբից։
Պետդուման արդեն պատրաստ է հաստատել այն. օրակարգային այս հարցով հանդիպում է նախատեսված կեսօրից հետո՝ ժամը 14:00-ին։ Մինչ այդ, վարչապետի թեկնածուն կհանդիպի խորհրդարանական բոլոր խմբակցությունների պատգամավորների հետ։
Վոլոդինի խոսքով՝ «ժամանակակից Ռուսաստանի» պատմության մեջ առաջին անգամ Պետդուման կձևավորի կառավարության կազմը՝ հաստատելու կառավարության նախագահին, նրա տեղակալներին և դաշնային նախարարներին։ Այս կերպ պատգամավորները մտադիր են իրականացնել իրենց նոր լիազորությունները, որոնք սահմանված են 2020 թվականին ընդունված Ռուսաստանի Դաշնության Սահմանադրության փոփոխություններով, գրում է DW-ի ռուսական ծառայությունը։
