24.02.2026 | 12:34
Հայ բռնցքամարտիկները հաղթանակով են մեկնարկել հեղինակավոր մրցաշարում
Պուտինը մտադիր չէ կանգ առնել, Ուկրաինային պետք է յուրաքանչյուր երկրի հստակ դիրքորոշումը․ Զելենսկի
Քաղաքականություն
09.05.2024 | 20:05
Ուկրաինայի նախագահ Վլադիմիր Զելենսկին հայտարարել է, որ ՌԴ նախագահ Վլադիմիր Պուտինն ապրում է տեղեկատվական ակվարիումում և կանգ առնելու մտադրություն չունի, գրում է BBC-ի ռուսական ծառայությունը։
Ուկրաինան պայքարում է իր և Եվրոպայի համար և, հետևաբար, միջազգային աջակցության կարիք ունի, ասել է Զելենսկին Եվրախորհրդարանի նախագահ Ռոբերտա Մեցոլայի հետ բանակցություններից հետո համատեղ մամուլի ասուլիսում։
«Մենք պետք է պաշտպանենք Ուկրաինան։ Դա է մեր ապագան և անկախությունը։ Պուտինը չի պատրաստվում կանգ առնել. նա գտնվում է տեղեկատվական ակվարիումում, իր հետախուզական ծառայությունների կառուցած այդ աշխարհում, նա ապրում է դրանում»,- ասել է նա։
Զելենսկին նշել է, որ երբեմն տարբեր երկրների որոշ ներկայացուցիչներ հաստատում են՝ պատժամիջոցներն այնքան էլ հզոր չեն։
«Նրանք գտնում են ձևաչափեր՝ ինչպես խուսափել դրանցից: Նրանք նույնիսկ գնում են [Պուտինի] երդմնակալությանը»,- հավելել է նա։
Ուկրաինայի նախագահի խոսքով՝ Կիևը շարունակում է ժամանակին պաշտպանական աջակցության կարիք ունենալ, որը կօգնի խափանել այս տարվա համար առաջարկվող ռուսական հարձակողական պլանը:
