09.09.2026 | 21:35
Մեկնարկել է Փաշինյանի և Մակրոնի հանդիպումը
ԵՄ-ն տոնում է Եվրոպայի օրը և պատրաստվում ընտրությունների
Քաղաքականություն
09.05.2024 | 18:37
Այսօր ԵՄ-ում նշում են Եվրոպայի օրը՝ տոնելով դաշինքի հիմնադրումը, բայց, միևնույն ժամանակ, միությունը պատրաստվում է իր ապագային՝ հունիսի 6-9-ը նախանշված եվրոպական ընտրություններին, գրում է Euronews-ը։
Դաշինքի ձեռքբերումները նշվել են անդամ երկրների մայրաքաղաքներում մայիսի 9-ին՝ Ֆրանսիայի արտաքին գործերի նախարար Ռոբերտ Շումանի պատմական ելույթի տարեդարձին, որը հանգեցրել է տնտեսական և քաղաքական միության ստեղծմանը:
Քաղաքացիները հրավիրվել էին այցելելու ԵՄ հաստատություններ՝ նշելու տոնը, իսկ Եվրոպական խորհրդարանի շենքերը Բրյուսելում, Ստրասբուրգում և Լյուքսեմբուրգում բացել են իրենց դռները հանրության առաջ:
Տոնակատարությունները տեղի են ունենում այն ժամանակ, երբ միությունը շարունակում է նախապատրաստվել իր պատմության ամենակարևոր ընտրություններից մեկին:
Հունիսի ընտրությունները տեղի կունենան մայրցամաքում շարունակվող ճգնաժամերի պայմաններում՝ պատերազմ Ուկրաինայում, կլիմայական արտակարգ իրավիճակ և բուն դաշինքի վերաբերյալ հիմնարար հարցեր: 450 միլիոն բնակչություն ունեցող 27 երկրների միությունը կընտրի 720 Եվրախորհրդարանի պատգամավորների, որոնք կծառայեն նրանց առաջիկա հինգ տարիների ընթացքում:
