23.11.2024 | 12:34
ԱԺ պատգամավորներ կգործուղվեն Մոսկվա
Մոսկվայում հարկային մարմինները պահանջել են Ալեքսեյ Նավալնիի պարտքը գանձել
Քաղաքականություն
09.05.2024 | 15:49
Մոսկվայի № 3 դաշնային հարկային ծառայության տեսչական մարմինը պահանջել է գաղութում մահացած ընդդիմադիր քաղաքական գործիչ Ալեքսեյ Նավալնիից հարկային պարտք ու տուրք գանձել։ Համապատասխան հայց է ներկայացվել Մարինյոյի շրջանի № 257 դատական տեղամաս, գրում է Մեդուզան։
Հարկային հայցը ստացվել է մայիսի 8-ին, սակայն դատավոր Դանարա Սանգաջիևան նույն օրը հրաժարկվել է այն վարույթ ընդունել։ Որոշման պատճառները, ինչպես նաև այն, թե տեսչությունն ինչ հարկեր ու տուրքեր է պահանջել գանձել, հայտնի չէ։
Դիմումի ընդունումը մերժելու մասին որոշումը դեռևս չի հրապարակվել։
Ալեքսեյ Նավալնին մահացել է փետրվարի 16-ին Յամալո-Նենեց ինքնավար օկրուգի Խարպ գյուղի գաղութում։ Մահվան պաշտոնական վկայականում ասվում էր, որ քաղաքական գործիչը մահացել է «բնական» մահով։ Նավալնիի համախոհները կարծում են, որ նա սպանվել է։
