Հրետակոծություն Բելգորոդի շրջանում, հրդեհ՝ Անապայի մերձակայքում գտնվող նավթի պահեստում ԱԹՍ-ի հարձակումից հետո․ ՏԵՍԱՆՅՈՒԹ

Բելգորոդի և Բելգորոդի շրջանի վրա հարձակման հետևանքով 8 մարդ վիրավորվել է, այդ թվում՝ մեկ երեխա, հայտնում է Բելգորոդի մարզի նահանգապետ Վյաչեսլավ Գլադկովը։ Կրասնոդարի երկրամասի օպերատիվ շտաբը հաղորդում է անօդաչու թռչող սարքերի հարձակման և դրան հաջորդած հրդեհի մասին Անապայի մերձակայքում գտնվող Յուրովկա գյուղի նավթի պահեստի տարածքում, փոխանցում է Current Time-ը։

Ռուսաստանի պաշտպանության նախարարությունը հայտնել է, որ մայիսի 9-ի գիշերը հակաօդային պաշտպանությունը խոցել է 15 Vampire MLRS արկ, մեկ անօդաչու թռչող սարք Բելգորոդի շրջանում, երկուսը՝ Բրյանսկի շրջանում և երեքը՝ Կուրսկում։
Բելգորոդի նահանգապետի խոսքով՝ չորս տուժածներ բեկորային վնասվածքներով հոսպիտալացվել են։ Գլադկովի հայտարարության մեջ ասվում է, որ 11-ամյա աղջիկը ոտքի բեկորային վնասվածքով տեղափոխվել է մանկական կլինիկական հիվանդանոց։

Ըստ նրա՝ գիշերային հրետակոծության հետևանքով վնասվել է 19 բազմաբնակարան շենքերի 34 բնակարան, ինչպես նաև 37 տրանսպորտային միջոց։

Մինչ այդ, Կրասնոդարի երկրամասի օպերատիվ շտաբը հայտնում է Անապայի մերձակայքում գտնվող Յուրովկա գյուղի նավթի պահեստին անօդաչու թռչող սարքի հարվածի մասին։ Պահեստի տարածքում հրդեհ է բռնկվել, մի քանի պահեստավորման բաք է վնասվել։ Օպերատիվ շտաբի տվյալներով՝ շրջանում վեց անօդաչու թռչող սարք են խոցել, մի քանիսն ընկել է նավթի պահեստի տարածքում, ինչն էլ հրդեհ է առաջացրել։ Տուժածներ չկան։

Դեպքի վայր են ժամանել հատուկ ծառայությունները։ Հրդեհի մարմանն արդեն ներգրավվել է 62 մարդ և 20 տեխնիկա, ասվում է հաղորդագրությունում։

Տեղի բնակիչները պատմել են, որ լսել են առնվազն յոթ անօդաչու թռչող սարքի վայր ընկնելը։

Մանրամասները՝ տեսանյութում։