23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Վրաստանի՝ ԵՄ անդամության թեկնածուի կարգավիճակի կասեցման հնարավորությունը զրոյական է. Պապուաշվիլի
Քաղաքականություն
08.05.2024 | 18:09
Վրաստանի խորհրդարանի նախագահ Շալվա Պապուաշվիլին վստահ է, որ Վրաստանի՝ ԵՄ անդամության թեկնածու երկրի կարգավիճակի կասեցման հավանականությունը զրոյական է, փոխանցում է Sova-ն։
Իշխող «Վրացական երազանք» կուսակցության ներկայացուցիչը հայտարարել է՝ Եվրահանձնաժողովն «ուղիղ ասում է, որ ուշադրություն չի դարձրել եվրապատգամավորներին այն խմբին», որոնք պահանջել են կասեցնել ԵՄ-ին Վրաստանի անդամակցությունը «օտարերկրյա գործակալների» մասին օրենքի ընդունման պատճառով։
«ԵՄ անդամի թեկնածուի կարգավիճակի կասեցման հնարավորությունը հավասար է զրոյի շատ պատճառներով։ Երբ մենք խոսում ենք Եվրախորհրդարանի անդամների մասին, Եվրահանձնաժողովը մեզ ուղիղ ասում է՝ այդ եվրախորհրդականների վրա ոչ մի ուշադրություն չդարձնել։ Զրո ուշադրություն»,- հայտարարել է պաշտոնյան։
Պապուաշվիլին նաև նշել է, որ նույն եվրոպացի պատգամավորները կոչ են արել «Վրացական երազանքին»՝ ազատ արձակել Վրաստանի երրորդ նախագահ Միխեիլ Սաակաշվիլիին, հակառակ դեպքում սպառնացել են, որ Վրաստանը չի ստանա Եվրամիության թեկնածուի կարգավիճակ։ Սակայն, նշել է նա, տեղի է ունեցել հակառակը։
Հիշեցնենք, որ Եվրախորհրդարանի պատգամավորները ԵՄ դիվանագիտության ղեկավար Ժոզեպ Բորելին կոչ էին արել կասեցնել Վրաստանի՝ ԵՄ անդամ երկրի թեկնածուի կարգավիճակը։
