27.03.2026 | 15:35
Երևանից դեպի Եվրոպա 2 նոր ուղղությամբ թռիչքներ կմեկնարկեն
Հրաձգության միջազգային ֆեդերացիայի ներկայացուցիչները Երևանում ծանոթացել են Եվրոպայի առաջնության անցկացման համար առաջարկվող պայմաններին
08.05.2024 | 13:38
Հրաձգության Եվրոպայի 2026 թվականի մեծահասակների և երիտասարդների առաջնությունը Երևանում հյուրընկալելու հայտի շրջանակում ենթակառուցվածքների ուսումնասիրության և պայմաններին ծանոթանալու նպատակով Հայաստան են ժամանել միջազգային ֆեդերացիայի աշխատանքային հանձնաժողովի անդամները․ տեղեկացնում են ՀՀ ԿԳՄՍՆ-ից։
ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանի և Հայաստանի հրաձգության ֆեդերացիայի նախագահ Արթուր Հովհաննիսյանի ուղեկցությամբ ԵԱ-ի հանձնաժողովի անդամներն այցելել են Կարեն Դեմիրճյանի անվան մարզահամերգային համալիր, ուսումնասիրել նաև մայրաքաղաքի հյուրանոցային համակարգը:
Բացի Հայաստանից՝ 2026 թվականի Եվրոպայի առաջնությունը հյուրընկալելու հայտ է ներկայացրել նաև Բուլղարիան:
ԿԳՄՍ նախարարի տեղակալի խոսքով՝ Հայաստանի շանսերը բավական բարձր են գնահատվում:
Եվրոպայի առաջնության անցկացման վերաբերյալ վերջնական որոշումը կկայացվի մեկ ամսվա ընթացքում:
