02.06.2026 | 23:49
Փաշինյանն ու Էրդողանը հեռախոսազրույց են ունեցել
Ղրղզստանի և Տաջիկստանի սահմանին հրաձգություն է տեղի ունեցել
Քաղաքականություն
07.05.2024 | 19:50
Ղրղզստանի և Տաջիկստանի սահմանին այսօր հրաձգությունը տեղի է ունեցել։ Այս մասին ՌԻԱ Նովոստիին հայտնել են Ղրղզստանի սահմանապահ ծառայության մամուլի կենտրոնից։
«Ղրղզստան-Տաջիկստան պետական սահմանի հատվածում հրազենի գործադրմամբ միջադեպ է տեղի ունեցել»,- ասել է մամուլի կենտրոնի ներկայացուցիչը։
Նրա խոսքով՝ մոտավորապես ժամը 12։20-ին Լեյլեկի շրջանի Ակ-Բոսոգո գյուղի մոտ Ղրղզստանի սահմանապահ պարեկը նկատել է Տաջիկստանի քաղաքացիների՝ հովիվների, որոնք Ղրղզստանի տարածքում սահմանային գծից 250-300 մետր հեռավորության վրա անասուն են արածեցրել:
«Տաջիկստանի քաղաքացիներն անտեսել են Ղրղզստանի տարածքը լքելու՝ սահմանապահների պահանջը, ավելին, նրանք սկսել են քարեր նետել զինվորականների ուղղությամբ։ Իրավիճակի սրումը կանխելու համար Ղրղզստանի Հանրապետության սահմանապահները նախազգուշական կրակոցներ են արձակել օդ, որից հետո հովիվները փախել են Տաջիկստանի տարածք»,- նշել են սահմանային ծառայությունից։
