09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
«Oտարերկրյա գործակալների» մասին օրենքը Վրաստանին կդնի անորոշ հետագծի վրա․ ԱՄՆ Պետքարտուղարություն
Քաղաքականություն
07.05.2024 | 21:21
«Օտարերկրյա ազդեցության թափանցիկության» մասին օրենքը սպառնալիք կստեղծի Վրաստանի եվրատլանտյան ճանապարհին և կխաթարի ամերիկա-վրացական հարաբերությունները։ Այս մասին հայտարարել է ԱՄՆ Պետքարտուղարության ներկայացուցիչ Մեթյու Միլլերը։
«Մենք կարծում ենք, որ քննարկվող օրենքը Վրաստանին կդնի կասկածելի հետագծի վրա։ Սա կվտանգի Վրաստանի եվրատլանտյան ուղին և կխաթարի ԱՄՆ-Վրաստան հարաբերությունները: Մենք կշարունակենք դա բացատրել նրանց, և նրանք ինքնուրույն որոշումներ կկայացնեն»,- ասել է Միլլերը:
Լրագրողը Պետքարտուղարության խոսնակին հարցրել է նաև՝ արդյո՞ք մտածում են Բիձինա Իվանիշվիլիի և իշխող «Վրացական երազանքի» պատգամավորների դեմ պատժամիջոցներ կիրառելու կամ որևէ այլ քայլի մասին, ինչին Միլլերը պատասխանել է, որ պատժամիջոցների մասին հայտարարություն չի անի։
«Ես պատժամիջոցների մասին հայտարարություններ չեմ անելու, թե ինչ կարող ենք անել կամ ինչ ենք քննարկում»,- հավելել է Միլլերը:
