07.10.2026 | 09:45
Արտարժույթների փոխարժեքները՝ հոկտեմբերի 7-ի դրությամբ
Պուտինի երդմնակալությանը մասնակցել են ԵՄ վեց երկրների, այդ թվում՝ Ֆրանսիայի, Հունգարիայի և Սլովակիայի ներկայացուցիչները
Քաղաքականություն
07.05.2024 | 18:39
ՌԴ նախագահ Վլադիմիր Պուտինի երդմնակալության հինգերորդ արարողությանը Կրեմլում ներկա են եղել Եվրամիության վեց երկրների ներկայացուցիչներ, հայտնում է «Ազատություն» ռադիոկայանի ուկրաինական ծառայությունը՝ վկայակոչելով միջոցառման մասնակիցների ցուցակը։
Այսպես, ըստ հրապարակման, երդմնակալությանը ներկա են եղել ներկայացուցիչներ Ֆրանսիայից, Հունգարիայից, Սլովակիայից, Հունաստանից, Մալթայից և Կիպրոսից։ Արարողության նախօրեին Բելգիան նույնպես պատրաստվում էր ներկայացուցիչ ուղարկել Կրեմլ, սակայն մայիսի 7-ի առավոտյան հայտնի դարձավ, որ երկիրը ներկայացված չի լինի երդմնակալությանը, հայտնել է ԵՄ դիվանագիտական շրջանակներում աղբյուրը։
Reuters-ը հայտնել էր, որ Մեծ Բրիտանիան, Կանադան, ԱՄՆ-ն ու ԵՄ երկրների մեծ մասը որոշել են բոյկոտել Պուտինի երդմնակալության արարողությունը, սակայն ԵՄ յոթ երկրներ կուղարկեն իրենց ներկայացուցիչներին։ Գործակալությունը նշել է այդ երկրներից միայն երեքի անունը՝ Ֆրանսիա (ի դեմս Մոսկվայում երկրի դեսպան Պիեր Լևիի), Հունգարիա և Սլովակիա։
Այսօր՝ մայիսի 7-ին Կրեմլում տեղի ունեցավ Վլադիմիր Պուտինի երդմնակալության արարողությունը, որը, ըստ ԿԸՀ-ի պաշտոնական տվյալների, հաղթել է մարտին ՌԴ-ում և Ուկրաինայի բռնակցված տարածքներում կայացած նախագահական ընտրություններում։
ՀՀ վարչապետ Նիկոլ Փաշինյանը նույնպես չի մասնակցել Վլադիմիր Պուտինի երդմնակալությանը։
