19.05.2024 | 17:27
Արարատ Միրզոյանը մայիսի 20-ին աշխատանքային այցով կմեկնի Վիեննա
Պուտինը երդվել և 5-րդ անգամ ստանձնել է ՌԴ նախագահի պաշտոնը
Քաղաքականություն
07.05.2024 | 13:55
Կրեմլի Մեծ պալատում կազմակերպված արարողության ժամանակ Վլադիմիր Պուտինը երդվել է և ստանձնել ՌԴ նախագահի պաշտոնը։ Սա Պուտինի հինգերորդ երդմնակալությունն է 2000 թվականից ի վեր, գրում է Meduza-ն։
Սահմանադրական դատարանի նախագահ Վալերի Զորկինը նրան է փոխանցել նախագահական իշխանության խորհրդանիշները, այդ թվում՝ նախագահական կրծքանշանը՝ Սուրբ Գեորգի ոսկե խաչը՝ Ռուսաստանի Դաշնության զինանշանի պատկերով և ոսկե շղթայի վրա՝ «Օգուտ, պատիվ և փառք» նշանաբանով։
Այսպիսով, Պուտինը պաշտոնապես ստանձնել է Ռուսաստանի նախագահի պաշտոնը նոր՝ վեց տարի ժամկետով։
Արարողությանը մասնակցել են ՌԴ վարչապետ Միխայիլ Միշուստինը, պաշտպանության նախարար Սերգեյ Շոյգուն, Մոսկվայի քաղաքապետ Սերգեյ Սոբյանինը, Չեչնիայի ղեկավար Ռամզան Կադիրովը, այլ պաշտոնյաներ ու շրջանների ղեկավարներ։
Միևնույն ժամանակ, մի շարք «ոչ բարեկամ» երկրների, այդ թվում՝ Մեծ Բրիտանիայի և Եվրամիության դիվանագետները հրաժարվել են մասնակցել արարողությանը։ Երդմնակալությանը ներկա չի եղել նաև ՌԴ-ում ԱՄՆ դեսպան Լին Թրեյսին։
