12.01.2025 | 16:47
2018 թ. հեղափոխությունից հետո ժողովրդի մղումներն իրականացնելու ճանապարհով գնալը կործանարար կլիներ մեր պետության համար. Փաշինյան
Վլոդիվոստոկում ամերիկացի զինվորական է ձերբակալվել
Քաղաքականություն
07.05.2024 | 13:53
ՌԴ Վլադիվոստոկի Պերվոմայսկի շրջանային դատարանը գողության գործով ձերբակալել է ամերիկացի զինվորական Գորդոն Բլեքին, հայտնել է դատարանի խոսնակ Ելենա Օլենևան։ Զինծառայողը կալանավորվել է մինչև հուլիսի 2-ը։
ԱՄՆ քաղաքացուն մեղադրանք է առաջադրվել քաղաքացուն էական վնաս պատճառելով գողության համար (ՌԴ ՔՕ 158-րդ հոդվածի 2-րդ մասի «գ» կետ), պարզաբանում է «Կոմերսանտ»-ը։ Այս հոդվածով առավելագույն պատիժը մինչև հինգ տարի ազատազրկումն է։
ՆախօրեինNBC News-ը հայտնել էր, որ Ռուսաստանում կալանավորվել է ամերիկացի զինվորական, հետագայում հայտնի է դարձել նաև նրա անունը՝ ավագ սերժանտ Գորդոն Բլեք: Նա գործուղվել էր Հարավային Կորեա։ Ծառայության ավարտին Բլեքը պետք է վերադառնար ԱՄՆ, սակայն մինչ տուն վերադառնալը որոշել է այցելել Վլադիվոստոկից մի կնոջ, որի հետ ռոմանտիկ հարաբերություններ է ունեցել, պարզաբանում է հեռուստաալիքը։
CNN-ը, վկայակոչելով ամերիկացի երկու պաշտոնյաների, նշում է, որ ավագ սերժանտը կալանավորվել է մայիսի 2-ին, այժմ գտնվում է ժամանակավոր մեկուսարանում։ ԱՄՆ դեսպանատունը դեպքի մասին տեղեկացրել է ձերբակալվածի ընտանիքին և պահանջում է հյուպատոսի հետ կապ հաստատել, հայտնում է CNN-ը։
