07.10.2026 | 10:00
Ազգային ժողովի նիստը՝ ՈՒՂԻՂ
Իսրայելը գրավել է Եգիպտոսի հետ սահմանային Գազայի «Ռաֆահ» անցակետը
Քաղաքականություն
07.05.2024 | 12:15
Իսրայելական տանկային բրիգադը գրավել է Եգիպտոսի հետ սահմանային Գազայի հատվածի «Ռաֆահ» անցակետը։ Այս մասին հայտնում են իսրայելական իշխանությունները, գրում է AP-ը։
Այս քայլը տեղի է ունենում Իսրայելի և ՀԱՄԱՍ-ի միջև ժամեր տևած լարված մարտերից հետո, երբ երկուշաբթի զինյալ խմբավորումը հայտարարել էր, որ ընդունել է Եգիպտոսի և Կատարի միջնորդությամբ հրադադարի առաջարկը: Իսրայելը, մինչդեռ, պնդում է, որ գործարքը չի համապատասխանում իր հիմնական պահանջներին:
Իսրայելական 401-րդ բրիգադը երեքշաբթի վաղ առավոտյան մտել է «Ռաֆահ» անցակետ՝ ստանձնելով «օպերատիվ հսկողություն» կարևոր անցակետում։ Դա շրջափակված անկլավ մուտք գործելու և Եգիպտոս փախչելու հիմնական ուղին է:
Իսրայելական կողմը հայտարարում է, որ անցկակետը գրավել է «այն բանից հետո, երբ ստացել է հետախուզական տեղեկություններ, որ այն օգտագործվում է ահաբեկչական նպատակներով»: Միաժամանակ, չեն ներկայացվել այս պնդումը հաստատող ապացույցներ։ Նշվում է նաև, որ ցամաքային զորքերն ու ռազմաօդային ուժերը թիրախավորել են Ռաֆահում ՀԱՄԱՍ-ի դիրքերին։
Պաղեստինյան սահմանային ծառայության խոսնակ Վաել Աբու Օմարը խոստովանել է, որ իսրայելական զորքերը գրավել են անցկակետը և ժամանակավոր փակել այն։ Նա ասել է, որ երկուշաբթիից հարվածներ են հասցվել տարածքի շրջակայքին։
Եգիպտոսի ԱԳՆ-ն դեռևս չի մեկնաբանել Իսրայելի կողմից անցակետի գրավումը։
