25.04.2026 | 17:26
Ինչ գործ բռնել եմ, միշտ ստացվել է, միայն 2021-ին չի ստացվել․ Ռոբերտ Քոչարյան․ ՏԵՍԱՆՅՈւԹ
Բայրամովը ԵԱՀԿ գործող նախագահի հետ քննարկել է Հայաստանի հետ հարաբերությունների կարգավորման գործընթացը
Քաղաքականություն
07.05.2024 | 10:54
Ադրբեջանի ԱԳ նախարար Ջեյհուն Բայրամովը նախօրեին հեռախոսազրույց է ունեցել Մալթայի ԱԳ նախարար, ԵԱՀԿ գործող նախագահ Յան Բորջի հետ։
Ադրբեջանական կողմի հաղորդմամբ՝ զրույցի ընթացքում քննարկվել են ԵԱՀԿ օրակարգային հարցեր, ինչպես նաև տարածաշրջանում տիրող իրավիճակը։ Բայրամովը ներկայացրել է Բաքվի դիրքորոշումը Ադրբեջան-ԵԱՀԿ երկկողմ համագործակցության օրակարգի հիմնական ուղղությունների և այն մարտահրավերների վերաբերյալ, որոնց ներկայում բախվում է ԵԱՀԿ-ն։ Նա նաև ներկայացրել է տարածաշրջանում տիրող իրավիճակի, Ադրբեջանի և Հայաստանի միջև հարաբերությունների կարգավորման գործընթացի և խնդիրների նկատմամբ Բաքվի մոտեցումների մասին։
Նաև մտքերի փոխանակություն է տեղի ունեցել երկկողմ և տարածաշրջանային այլ հարցերի շուրջ։
Հավելենք, որ օրերս ԵԱՀԿ գործող նախագահը հեռախոսազրույց էր ունեցել նաև ՀՀ ԱԳ նախարար Արարատ Միրզոյանի հետ։
