«Միջազգային գործընկերները տպավորված էին Երևանում ֆուտզալի Չեմպիոնների լիգայի կազմակերպումից». Կարեն Գիլոյան

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն ամփոփել է Երևանում անցկացված ֆուտզալի Չեմպիոնների լիգայի եզրափակիչ փուլը․ տեղեկացնում են ՀՀ ԿԳՄՍՆ-ից։

«Վստահաբար կարող ենք ասել, որ այն ստացված միջոցառում էր, իսկ ՀՀ կառավարության կողմից կատարված ներդրումները միանգամայն արդարացված էին: Տրիբունաներում ավելի քան 5 հազար հանդիսականի ներկայությունն էլ վկայությունն էր այն բանի, որ Հայաստանում հատկապես խաղային մարզաձևերից մասշտաբային մրցաշարի կարոտ կա: Եզրափակիչը ֆանտաստիկ հետաքրքիր էր: Հատկապես ուրախալի էր, որ Հայաստանի ազգային հավաքականի դարպասապահ Լուան Մյուլլերն իր կարևոր ներդրումն ունեցավ «Պալմայի» չեմպիոնության հարցում, իսկ խաղից հետո հայկական եռագույնով դուրս եկավ խաղադաշտ»,- ասում է ԿԳՄՍ նախարարի տեղակալը:

Փոխնախարարը հիշեցնում է՝ ՀՀ կառավարությունն ավելի վաղ շուրջ 280 մլն դրամ էր հատկացրել ՈՒԵՖԱ-ի ֆուտզալի Չեմպիոնների լիգայի եզրափակիչ մրցաշարի անցկացման նպատակով: Եվս 116 մլն դրամ էլ տրամադրվել էր Կարեն Դեմիրճյանի անվան մարզահամերգային համալիրին՝ շենքի մասնակի նորոգման աշխատանքների և հարակից ծառայությունների, ինչպես նաև գույքի ձեռքբերման նպատակով:

Ֆուտզալի Չեմպիոնների լիգայի անցկացման նպատակով ձեռք է բերվել ՈՒԵՖԱ-ի չափանիշներին համապատասխան բարձրակարգ ցուցատախտակ, որից հետագայում կկարողանան օգտվել բոլոր մարզաձևերի ներկայացուցիչները՝ միջազգային մրցաշար անցկացնելու ժամանակ։ Կ. Դեմիրճյանի անվան մարզահամերգային համալիրում նաև բարեկարգման աշխատանքներ են կատարվել. մասնավորապես՝ թարմացվել է լուսավորման համակարգը, նորոգվել են հանդերձարանները:

Կարեն Գիլոյանի խոսքով՝ կատարված աշխատանքները կծառայեն նաև ապագա միջոցառումների համար:

«Հատկացված պետական միջոցների մեծ մասն ուղղվել է գույքի ձեռքբերմանը և ենթակառուցվածքների բարեկարգմանը: Աշխատանքներն արվում են Երևանն ու Հայաստանն աշխարհին ցույց տալու, մեր երկրի հանրահռչակման և ճանաչման համար: Անչափ կարևոր են նաև այս միջոցառումների միջոցով փոխանցված դրական հույզերը»,- փաստում է Կարեն Գիլոյանը:

Անդրադառնալով միջազգային գործընկերների արձագանքներին՝ ԿԳՄՍ նախարարի տեղակալը նշում է` նրանք տպավորված են Երևանում ֆուտզալի Չեմպիոնների լիգայի անցկացմանը կազմակերպական մակարդակից. «Նրանք կարծում էին, թե տրիբունաները դատարկ են լինելու, բայց եզրափակիչ խաղին ավելի քան 5 հազար հանդիսական էր հետևում, ինչը բավականին լուրջ թիվ է այն դեպքում, երբ տվյալ երկրի ներկայացուցիչները հանդես չեն գալիս մրցաշարում: Վստահ եմ՝ եթե հայկական թիմ լիներ եզրափակչում, ազատ տեղեր չէինք ունենա: «Սպորտինգ» ակումբի ներկայացուցիչը և մյուսները ներողություն էին խնդրում, որ քննարկումների ժամանակ մտահոգություններ էին հնչեցրել Հայաստանում մրցաշարի կազմակերպման հետ կապված»:

Հիշեցնենք՝ Հայաստանում առաջին անգամ է անցկացվել որևէ խաղային մարզաձևի եվրագավաթային եզրափակիչը: Իսպանական «Բարսելոնա» և «Պալմա» թիմերի միջև կայացած եզրափակիչն ավարտվել է «Պալմայի»՝ 5:1 հաշվով գերվստահ հաղթանակով, որը երկրորդ տարին անընդմեջ արժանացել է եվրոպական ամենահեղինակավոր մրցաշարի հաղթողի կոչմանը:

Մինչ այդ էլ մրցաշարի երրորդ տեղի համար խաղում մրցել են պորտուգալական «Սպորտինգն» ու «Բենֆիկան»: Լարված ու դիտարժան խաղում «Բենֆիկան» 6:3 հաշվով հաղթանակ է տարել և արժանացել բրոնզե մեդալներին: