06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
ԿԲ-ն դեռևս համաձայնություն չի տվել HSBC Հայաստան-«Արդշինբանկ» գործարքին
Տնտեսություն
06.05.2024 | 18:30
ՀՀ Կենտրոնական բանկը դեռևս համաձայնություն չի տվել «Էյչ-Էս-Բի-Սի Բանկ Հայաստան» ՓԲԸ-ն (HSBC Հայաստան) «Արդշինբանկ» ՓԲԸ-ին (Արդշինբանկ) վաճառքին։ ԿԲ-ից Factor.am-ին հայտնեցին, որ բանկերի փաստաթղթերի փաթեթը ներկայում ուսումնասիրվում է։
Հիշեցնենք, որ գործարքի շուրջ HSBC-ի և «Արդշինբանկի» պայմանավորվածության մասին հայտարարվեց այս տարվա փետրվարի սկզբին։ Գործարքը նախատեսվում է ավարտին հասցնել 12 ամսվա ընթացքում։
Ուշագրավ է, որ ավելի ուշ՝ փետրվարի 19-ին հայտարարված «Ամերիաբանկ»-BANK OF GEORGIA GROUP-ի գործարքի կապակցությամբ ԿԲ-ն նախնական համաձայնություն տվեց շատ ավելի կարճ ժամկետում․ ԿԲ խորհուրդը որոշումը կայացրեց մարտի 30-ին։
Գայանե Խաչատրյան
