11.08.2026 | 20:19
Միայն 4 օրում պարեկները վարորդների կողմից բեռների փոխադրման կանոնների խախտման 90 դեպք են արձանագրել
Թռիչքի ժամանակ ռուսական ավիաընկերության հերթական ինքնաթիռն է խափանվել
Քաղաքականություն
06.05.2024 | 19:20
Nord Wind ավիաընկերության Airbus A321 մարդատար ինքնաթիռը, որն օդ է բարձրացել՝ Մոսկվա-Օրենբուրգ չվերթն իրականացնելու, կործանման ազդանշան է տվել օդում և վերադարձել մեկնման օդանավակայան։ Այս մասին հայտնել է Օդային տրանսպորտի դաշնային գործակալության ներկայացուցիչ Արտյոմ Կորենյակոն, գրում է The Moscow Times-ը։
Խոսքը NWS077 չվերթի մասին է, որը, ըստ առցանց չվացուցակի, Օրենբուրգ է մեկնել Մոսկվայի ժամանակով 13:27-ին։ Մոսկվայի ժամանակով 15:05-ին ինքնաթիռը բարեհաջող վայրէջք է կատարել «Շերեմետևո» օդանավակայանում՝ օդում անցկացնելով գրեթե 40 րոպե։ Մեկնման օդանավակայան վերադառնալու որոշումը կայացրել է օդանավի հրամանատարը, պարզաբանել է Օդային տրանսպորտի դաշնային գործակալությունը։
Մոսկվա վերադարձի պատճառ է դարձել օդաչուի խցիկի ապահերմետիկացումը, հայտնել է ՏԱՍՍ-ի աղբյուրը։ Տեխնիկական անսարքությունը հայտնաբերելուց հետո ինքնաթիռը 10 հազար մետր բարձրությունից իջել է 3 հազարի, եղել են պահեր, երբ ինքնաթիռն անհետացել է ռադարներից, սակայն շուտով կրկին հայտնվել է։
Ուկրաինայում պատերազմի պատճառով ԱՄՆ-ի և ԵՄ-ի պատժամիջոցների սահմանումից հետո Ռուսաստանում օդային պատահարների թիվը կտրուկ աճել է։ 2023 թվականին օդում գրանցվել է տարբեր տեսակի առնվազն 74 ինքնաթիռների խափանում, ինչը 38-ով ավելի է, քան 2022 թվականին, հաշվարկել է գերմանական Jacdec հետազոտական ընկերությունը։
2024 թվականին օդային միջադեպերի շարքը շարունակվել է․ միայն հունվարին՝ 10 դեպք։ Տարվա առաջին երեք ամիսներին վեց ինքնաթիռներ շարժիչի խափանում են ունեցել:
Շատ դեպքերում հնարավոր է խուսափել լուրջ վնասներից կամ աղետից, սակայն մշտական տեխնիկական խնդիրները զգալի վտանգ են ներկայացնում ուղևորների համար և մեծացնում են օդաչուների ծանրաբեռնվածությունը:
