19.05.2024 | 11:19
Արտարժույթների փոխարժեքները՝ մայիսի 19-ի դրությամբ
ՌԴ Պետեդուման օրենք է ընդունել, որն «օտարերկրյա գործակալներին» արգելում է մասնակցել ցանկացած ընտրության
Քաղաքականություն
06.05.2024 | 15:43
ՌԴ Պետդուման երրորդ ընթերցմամբ ընդունել է օրենք, որն արգելում է «օտարերկրյա գործակալներին» որպես թեկնածու մասնակցել ընտրությունների բոլոր մակարդակներում՝ տեղականից մինչև դաշնային, գրում է BBC-ի ռուսական ծառայությունը։
Օրենքի համաձայն՝ «թեկնածուն պարտավոր է դադարեցնել օտարերկրյա գործակալի կարգավիճակը՝ մինչև թեկնածուի գրանցման համար անհրաժեշտ փաստաթղթերի ներկայացումը»։ Այս դեպքում արդեն գրանցված թեկնածուն չի կարող ճանաչվել որպես «օտարերկրյա գործակալ»։
Այս փոփոխությունները ներառվել են արդեն իսկ առաջին ընթերցումն անցած ընտրական օրենսգրքում փոփոխությունների փաթեթում։
Ներկայում «օտարերկրյա գործակալների» ռեգիստրում ընդգրկված են, մասնավորապես, Սանկտ Պետերբուրգի Օրենսդիր ժողովի պատգամավոր Բորիս Վիշնևսկին («Յաբլոկո» կուսակցություն), Մոսկվայի քաղաքային դումայի պատգամավորներ Դարյա Բեսեդինան («Յաբլոկո»), Եվգենի Ստուպինը և Միխայիլ Տիմոնովը («Արդար Ռուսաստան» կուսակցություն)։
Նրանք փորձել են դատարանում վիճարկել իրենց այս կարգավիճակը, սակայն ապարդյուն։
