12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Գերմանիան խորհրդակցությունների համար ՌԴ-ից հետ է կանչել իր դեսպանին
Քաղաքականություն
06.05.2024 | 17:06
Գերմանիայի ԱԳՆ-ն հայտարարել է, որ Ռուսաստանից խորհրդակցությունների համար հետ է կանչում իր դեսպան Ալեքսանդր Լամբսդորֆին։ Որոշումը կապված է Գերմանիայի սոցիալ-դեմոկրատական կուսակցության (SPD) ռեսուրսների վրա ռուսամետ խմբավորման հարձակման հետ կապված մեղադրանքների հետ, փոխանցում է CGTN-ը:
«Արտգործնախարարը որոշում է կայացրել խորհրդակցությունների համար Բեռլին կանչել Մոսկվայում դեսպան Լամբսդորֆին»,- լրագրողներին հայտնել են ԱԳՆ-ից։
Մայիսի 3-ին բողոք է ներկայացվել Գերմանիայում Ռուսաստանի դեսպանատանը՝ կապված 2023 թվականին Սոցիալ-դեմոկրատական կուսակցության (SPD) վրա կիբերհարձակման հետ։ Գերմանիայի արտաքին գործերի նախարար Աննալենա Բերբոքը, ինչպես նաև Եվրամիությունը և ՆԱՏՕ-ն հայտարարել են Ռուսաստանի Գլխավոր շտաբի և APT28 հաքերային խմբավորման միջև կապի մասին, որը մեղադրվում է կուսակցության վարչության անդամների էլեկտրոնային փոստի հաշիվները կոտրելու մեջ։
