09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
ԱՄՆ-ը ստիպված կլինի միջամտել, եթե Ուկրաինան պարտվի. կոնգրեսական
Քաղաքականություն
06.05.2024 | 15:21
ԱՄՆ Կոնգրեսի Ներկայացուցիչների պալատի դեմոկրատական փոքրամասնության առաջնորդ Հաքիմ Ջեֆրիսը հայտարարել է, որ Վաշինգտոնը պետք է շարունակի աջակցել Կիևին, նաև այն պատճառով, որ եթե Ուկրաինան պարտվի, ապա ԱՄՆ-ը պետք է ուղղակիորեն միջամտի հակամարտությանը։
«Մենք չենք կարող թույլ տալ, որ Ուկրաինան պարտվի, քանի որ եթե դա տեղի ունենա, մեծ հավանականություն կա, որ Ամերիկան ստիպված կլինի ներգրավվել ոչ միայն մեր փողերով, այլ նաև մեր զորքով»,- ասել է Ջեֆրիսը CBS հեռուստաալիքին տված հարցազրույցում։
Ըստ կոնգրեսականի՝ ՌԴ նախագահ Վլադիմիր Պուտինը ձգտում է վերստեղծել ԽՍՀՄ-ը, և Ուկրաինայից հետո Ռուսաստանը սպառնալու է Խորհրդային Միության փլուզումից հետո ստեղծված մյուս երկրներին, որոնք այժմ ՆԱՏՕ-ի մաս են կազմում։
«Պուտինը կանգ չի առել հարևան Վրաստան ներխուժումով, Ղրիմի գրավմանը հաջորդեց միջամտությունն Արևելյան Ուկրաինայում։ Պե՞տք է մենք թույլ տալ ագրեսիայի հաջորդականություն՝ հաշվի առնելով, որ եթե մենք թույլ տանք, որ Պուտինը հաջողության հասնի Ուկրաինայում, ապա նա կանգ կառնի միայն Ուկրաինայում։ Իհարկե՝ ոչ»,- ընդգծել է Ջեֆրիսը։
Հիշեցնենք՝ ԱՄՆ Կոնգրեսի Ներկայացուցիչների պալատը և Սենատը չեն կարողացել հաստատել օրինագիծը, որը ներառում է ռազմական օգնություն Ուկրաինային ավելի քան վեց ամիս՝ Կիևին աջակցող դեմոկրատների և հանրապետականների միջև տարաձայնությունների պատճառով, որոնք փոփոխություններ էին պահանջում: Արդյունքում միասնական օրինագիծը բաժանվեց մի քանի մասի և վերջնականապես ընդունվեց ապրիլին։ Ուկրաինան պետք է 61 միլիարդ դոլար արժողությամբ ռազմական օգնության նոր փաթեթ ստանա ԱՄՆ-ից։
