24.06.2026 | 12:10
Ավետիք Չալաբյանը ձերբակալվել է // Պապոյանը ԵՄ դեսպանների հետ արտահանման հարցեր է քննարկել․ ԼՈՒՐԵՐ
Ուկրաինան հայտնում է Ղրիմում ռուսական ռազմական մոտորանավի ոչնչացման մասին
Քաղաքականություն
06.05.2024 | 14:46
Ուկրաինայի Պաշտպանության նախարարության հետախուզության գլխավոր վարչությունը հայտնել է մայիսի 5-ի լույս 6-ի գիշերը Ղրիմում ռուսական ռազմածովային ուժերի արագընթաց ռազմական մոտորանավի ոչնչացման մասին, գրում է Current time-ը։
Գերատեսչության տվյալներով՝ նավը խոցվել է ստորաբաժանման «13-րդ խումբ» հատուկ գործողության ժամանակ Magura V5 ծովային անօդաչու թռչող սարքով։ Հրապարակված տեսանյութում երևում է, թե ինչպես է ծովային ԱԹՍ-ն մանևրում Չերնոմորսկոյե գյուղի մոտ գտնվող Ուզկայա ծովածոցի ջրերում՝ խուսափելով կրակից, ապա մոտենում նավի, որի ուրվագիծը մոտորանավ է հիշեցնում։
«Քանի որ ուկրաինական հարձակումների վախը ստիպել է օկուպանտներին Սևծովյան նավատորմի մեծ նավերը թաքցնել թերակղզուց հեռու, մարտական աշխատանքը շարունակվում է ռուսների արագընթաց ռազմական նավերի վրա, որոնք ապօրինաբար գտնվում են Ղրիմի տարածքային ջրերում»,- ասվում է հաղորդագրության մեջ։
ՌԴ ՊՆ-ն դեռևս չի մեկնաբանել ռազմական մոտորանավի ոչնչացման մասին լուրերը։
