30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իսրայելը պատրաստվում է հարձակվել Ռաֆահի վրա՝ պաղեստինցիներին հրամայելով տարհանվել
Քաղաքականություն
06.05.2024 | 13:07
Իսրայելական բանակը երկուշաբթի տասնյակ հազարավոր մարդկանց հրամայել է տարհանվել Գազայի հարավային Ռաֆահ քաղաքից՝ ազդարարելով, որ վաղուց խոստացված ցամաքային ներխուժումը կարող է մոտ լինել, գրում է AP-ն։
Այս հայտարարությունը բարդացնում է միջազգային միջնորդների, այդ թվում՝ ԱՄՆ ԿՀՎ տնօրենի վերջին ջանքերը՝ հրադադարի հաստատմանը միջնորդելու համար: ՀԱՄԱՍ-ն ու Իսրայելի հետ բանակցություններում առանցքային միջնորդները, զգուշացրել են, որ Ռաֆահ ներխուժումը կարող է ձախողել բանակցությունները:
Իսրայելը Ռաֆահը բնութագրում է որպես ՀԱՄԱՍ-ի վերջին նշանակալից հենակետ յոթ ամիս տևած պատերազմից հետո, և նրա ղեկավարները բազմիցս ասել են, որ պետք է ցամաքային ներխուժում իրականացնեն՝ իսլամական զինյալ խմբավորմանը հաղթելու համար: Իսրայելական բանակի խոսնակ Նադավ Շոշանին ասել է, որ 100,000 մարդու հրամայվել է տեղափոխվել Իսրայելի կողմից հումանիտար գոտի հռչակված Մուվասի։ Նա նշել է, որ Իսրայելը պատրաստում է «սահմանափակ գործողություն», և չի ասել՝ արդյո՞ք դա քաղաք ավելի լայն ներխուժման սկիզբն է:
Շոշանին հայտարարել է, որ Իսրայելը հրապարակել է տարհանման տարածքի քարտեզը, հրամանները տրվում են երկնքից թռուցիկների, տեքստային հաղորդագրությունների և ռադիոհաղորդումների միջոցով: Նա ասել է, թե Իսրայելն ընդլայնել է մարդասիրական օգնությունը Մուվասիում, ներառյալ՝ դաշտային հիվանդանոցները, վրանները, սնունդն ու ջուրը:
Ռաֆահ ներխուժելու՝ Իսրայելի ծրագիրը համաշխարհային տագնապ է առաջացրել այնտեղ ապաստանած ավելի քան մեկ միլիոն պաղեստինցի խաղաղ բնակիչներին վնասելու հնարավորության պատճառով:
Շուրջ 1,4 միլիոն պաղեստինցիներ՝ Գազայի բնակչության կեսից ավելին, Ռաֆահ քաղաքում և դրա շրջակայքում են։
ԱՄՆ-ն՝ Իսրայելի ամենամոտ դաշնակիցը, բազմիցս հորդորել է ներխուժում չիրականացնել՝ նշելով, որ չունի խաղաղ բնակիչներին պաշտպանելու վստահելի ծրագիր:
