06.04.2026 | 22:50
ՀԷՑ-ը կսուբսիդավորի բազմազավակ աշխատակիցների էլեկտրաէներգիայի ծախսերը
Ուկրաինան հայտնել է գիշերն արձակված 13 ԱԹՍ-ներից 12-ը խոցելու մասին
Քաղաքականություն
06.05.2024 | 12:13
Ուկրաինայի ռազմաօդային ուժերը հայտնում են, որ կիրակի լույս երկուշաբթի գիշերը Սումիի շրջանում ռուսական կողմից արձակված 13 «Շահեդ»-ներից 12-ը խոցվել են, փոխանցում է BBC-ի ռուսական ծառայությունը։
Ուկրաինացի զինվորականները, սակայն, չեն հստակեցնում, թե ուր է հարվածել չխոցված անօդաչու թռչող սարքը։
Տեղական տելեգրամ-ալիքները հաղորդում են, որ Սումիում ԱԹՍ-ների հարձակման ժամանակ էլեկտրաէներգիան և ջրամատակարարումն անջատվել են։ Քաղաքի ռազմական վարչակազմի ղեկավարը հայտնել է, որ ջրամատակարարման համակարգը, հիվանդանոցները և այլ կարևոր ենթակառուցվածքային օբյեկտներն անցել են պահեստային էներգիայի։
Զոհերի ու տուժածների մասին տեղեկություններ չկան։
