09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Մոսկվան «հետախուզում է հայտարարել» Ուկրաինայի նախկին վարչապետի և այլ պաշտոնյաների նկատմամբ
Քաղաքականություն
06.05.2024 | 16:25
Ռուսաստանի ՆԳՆ-ն իր հետախուզման բազայում ներառել է Ուկրաինայի նախկին վարչապետ Վլադիմիր Գրոյսմանին, երկրի կառավարության որոշ նախկին անդամների ու Ազգային անվտանգության և պաշտպանության խորհրդի նախկին քարտուղար Ալեքսեյ Դանիլովին, փոխանցում է BBC-ի ռուսական ծառայությունը։
Գրոյսմանից և Դանիլովից բացի՝ ռուսական գերատեսչության հետախուզման տվյալների բազայում այժմ քարտեր կան Ուկրաինայի նախկին ներքին գործերի նախարար Արսեն Ավակովի, նախկին արտգործնախարար Պավել Կլիմկինի և տեղեկատվական քաղաքականության նախկին նախարար Յուրի Ստեցի համար։
Նախօրեին ՆԳՆ-ն հետախուզման բազայում ներառել էր նաև Ուկրաինայի նախագահ Վլադիմիր Զելենսկիին, նախկին նախագահ Պյոտր Պորոշենկոյին, Ուկրաինայի զինված ուժերի ցամաքային զորքերի հրամանատար Ալեքսանդր Պավլյուկին և ՊՆ նախկին ղեկավար Միխայիլ Կովալին։
«Օգտվելով առիթից՝ հիշեցնում ենք, որ ի տարբերություն ռուսական անարժեք հայտարարությունների՝ Միջազգային քրեական դատարանի կողմից ռուս բռնապետ Վլադիմիր Պուտինին ռազմական հանցագործություններ կատարելու կասկածանքով կալանավորելու հրամանը միանգամայն իրական է և ենթակա է կատարման աշխարհի 123 երկրներում»,- այսպես է պատասխանել Ուկրաինայի ԱԳՆ-ն հետախուզման մասին տեղեկությունները։
