25.06.2026 | 21:55
Աջապահյանը չարդարացվեց, բայց ազատվեց տնային կալանքից․ առաջին ատյանի դատավճիռը «ոչ պատշաճ» է ճանաչվել. ՏԵՍԱՆՅՈՒԹ
ՌԴ-ի և Ադրբեջանի փոխվարչապետները քննարկել են երկու երկրների հարաբերությունների ամրապնդումը
Քաղաքականություն
03.05.2024 | 17:35
Մոսկվայում տեղի է ունեցել ՌԴ փոխվարչապետ Ալեքսեյ Օվերչուկի հանդիպումը Ադրբեջանի փոխվարչապետ Շահին Մուստաֆաևի հետ։ ՌԴ կառավարության փոխանցմամբ՝ բանակցությունների ընթացքում քննարկվել են երկու երկրների միջև տնտեսական համագործակցության միջկառավարական հանձնաժողովի օրակարգում ընդգրկված երկկողմ առևտրատնտեսական համագործակցության արդիական հարցերը։
Կողմերը հատուկ ուշադրություն են դարձրել առևտրատնտեսական, արդյունաբերության, էներգետիկայի, տրանսպորտի, գյուղատնտեսության, ֆինանսների, առողջապահության, մշակույթի, գիտության, միջտարածաշրջանային համագործակցության, կրթության և զբոսաշրջության ոլորտներում համագործակցության զարգացմանը։
«Միջկառավարական հանձնաժողովի համանախագահները հաստատել են իրենց պատրաստակամությունը շարունակելու կառուցողական երկխոսությունը՝ ուղղված համագործակցության բոլոր ոլորտներում ռուս-ադրբեջանական հարաբերությունների ամրապնդմանը»,- ասվում է հաղորդագրության մեջ։
