12.12.2024 | 20:28
Փոխվարչապետ Մհեր Գրիգորյանը մասնակցել է ԱՊՀ պետությունների կառավարությունների ղեկավարների նիստին
Բլինքենն ուշադիր հետևում է Վրաստանում տեղի ունեցող իրադարձություններին․ Միլլեր
Քաղաքականություն
03.05.2024 | 15:51
ԱՄՆ Պետքարտուղարության խոսնակ Մեթյու Միլլերն ասել է, որ պետքարտուղար Էնթոնի Բլինքենն ուշադիր հետևում է Վրաստանում տեղի ունեցող իրադարձություններին, թեև նա ճանապարհորդում է աշխարհով մեկ տարբեր երկրներով, «դա այն հարցն է, որի մասին նրան պարբերաբար զեկուցում են», փոխանցում է Գրուզիա օնլայնը։
«Սա դեռևս օրինագիծ է, և ես չեմ պատրաստվում մեկնաբանել կոնկրետ պատասխանները, որ կարող ենք տալ, բայց կարծում եմ, որ մենք բավականին պարզ հասկացրել ենք, թե որքան լրջորեն ենք վերաբերվում այս հարցին և որքանով ենք մտահոգված»,- ասել է Միլլերը։
Նա նաև նշել է, որ Միացյալ Նահանգներն անհանգստացած է և դատապարտում է պետական պաշտոնյաների կողմից օրենսդրությունը և հակաարևմտյան հռետորաբանությունը պաշտպանելու համար օգտագործվող կեղծ նարատիվները։
Եվրամիությունը և Միացյալ Նահանգները մտահոգություն են հայտնել «օտարերկրյա գործակալների մասին» օրենք ընդունելու՝ իշխող «Վրացական երազանք» կուսակցության նախաձեռնության հետ կապված։ Վրաստանի նախագահ Սալոմե Զուրաբիշվիլին այս որոշումն անվանել է Վրաստանի եվրոպական ապագայի «սաբոտաժ»։
Ապրիլի 15-ից Թբիլիսիի կենտրոնում բազմամարդ բողոքի ցույցեր են ընթանում «ռուսական օրենքի» դեմ։ Ոստիկաններն ընդդեմ ցուցարարների պղպեղի սփրեյ, արցունքաբեր գազ և ջրցան մեքենաներ, նաև այլ հատուկ միջոցներ են կիրառել։
