14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Կիևն իրավունք ունի Լոնդոնի տրամադրած զենքերով հարվածել ՌԴ-ում թիրախներին․ Քեմերոն
Քաղաքականություն
03.05.2024 | 12:14
Մեծ Բրիտանիայի արտաքին գործերի նախարար Դեյվիդ Քեմերոնը Կիև կատարած այցի ժամանակ հայտարարել է, որ Ուկրաինան իրավունք ունի օգտագործել Լոնդոնի տրամադրած զենքերը՝ Ռուսաստանի տարածքում թիրախներին հարվածելու համար, գրում է Current time-ը։
«Ուկրաինան ունի նման իրավունք։ Քանի որ Ռուսաստանը հարվածներ է հասցնում Ուկրաինայի տարածքին, կարող եք հասկանալ, ինչու է Ուկրաինան անհրաժեշտություն զգում համոզվել նրանում, որ իրեն է պաշտպանում»,- Reuters-ին ասել է Քեմերոնը՝ հավելելով, որ այդ որոշումը պետք է Կիևը կայացնի։
Նա նաև հայտարարել է, որ Ուկրաինային տարեկան ռազմական օգնությունը կկազմի 3 միլիարդ ֆունտ սթեռլինգ (3,7 միլիարդ դոլար):
«Մենք ամեն տարի կհատկացնենք երեք միլիարդ ֆունտ սթեռլինգ այնքան ժամանակ, որքան անհրաժեշտ է»,- ասել է Բրիտանիայի ԱԳ նախարարը։
Ուկրաինայի նախագահ Վլադիմիր Զելենսկիի հետ հանդիպմանը Քեմերոնը նշել է, որ Լոնդոնը կտրամադրի ռազմական օգնության նոր խմբաքանակ, որը կներառի ճշգրիտ կառավարվող ռումբեր, հակաօդային պաշտպանության համար հրթիռներ և սարքավորումներ 100 շարժական զենիթային համակարգերի համար։
