17.05.2024 | 13:10
Եկավ ժողովրդին պառակտեց, գնաց. ինչ իրավիճակ է Կիրանցում մարզպետի հետ հանդիպումից հետո․ ՏԵՍԱՆՅՈՒԹ
Ղրղզստանում զանգվածային միջոցառման ժամանակ բեռնատարը վրաերթի է ենթարկել մոտ 30 երեխայի․ նրանցից 7-ը վերակենդանացման բաժանմունքում է
Քաղաքականություն
02.05.2024 | 23:30
Ղրղզստանի Ջալալ-Աբադի շրջանի Սուզակ շրջանում զանգվածային միջոցառման ժամանակ բեռնատար ֆուրգոնը վրաերթի է ենթարկել 29 երեխայի։ Այս մասին հայտնում է Kabar գործակալությունը։
Երկրի առողջապահության նախարար Ալիմքադիր Բեյշենալիևի խոսքով՝ միջադեպի հետևանքով տուժել են 9-ից 16 տարեկան երեխաներ։ Նրանցից 7-ը մարզային հիվանդանոցի վերակենդանացման բաժանմունքում է, բժիշկները երեքի վիճակը գնահատում են ծանր։
11 տուժածներ հոսպիտալացվել են մարզային հիվանդանոցներ, նրանց վիճակը գնահատվում է միջին ծանրության։ Դեպքի վայրում բուժօգնություն է ստացել ևս 11 երեխա։
«Ազատություն» ռադիոկայանի ղրղզական ծառայությունը, վկայակոչելով երկրի ՆԳՆ-ին, գրում է, որ դեպքը տեղի է ունեցել Սուզակի շրջանի Ժերգե-Թալ գյուղում՝ միջոցառման ժամանակ, որտեղ երեխաները մասնակցել են «Մանասա» էպոսի ընթերցմանը։ Գերատեսչության տվյալներով՝ 48-ամյա վարորդն առանց հսկողության է թողել մեքենան, որից նախատեսվում էր պաղպաղակ բաժանել երեխաներին, և այն բարձունքից վայր է սլացել՝ վրաերթի ենթարկելով դպրոցականներին։
