11.08.2026 | 21:15
Չեմպիոնների լիգա․ «Արարատ-Արմենիայի» մեկնարկային կազմը «Ցելյեի» դեմ խաղում
Էրդողանը հանդիպել է ՏԻՄ ընտրություններում իշխող ուժին հաղթած ընդդիմության առաջնորդին
Քաղաքականություն
02.05.2024 | 22:14
Թուրքիայի նախագահ, իշխող «Արդարություն և զարգացում» կուսակցության ղեկավար Ռեջեփ Թայիփ Էրդողանը հանդիպել է երկրի գլխավոր ընդդիմադիր Ժողովրդահանրապետական կուսակցության նախագահ Օզգյուր Օզելին, գրում են թուրքական լրատվամիջոցները։
Նշվում է, որ Էրդողանն ԱԶԿ-ի կենտրոնակայանում ընդունել է CHP-ի նախագահ Օզգուր Օզելին։ Նրան այցի ընթացքում ուղեկցել է CHP-ի Ստամբուլից պատգամավոր Նամըք Թանը։
Հանդիպումից դեռևս մանրամասներ չեն հաղորդվում։
Ավելի վաղ թուրքական լրատվամիջոցները հայտնել էին, որ կողմերը նախատեսում են քննարկել նոր Սահմանադրության ընդունման, տնտեսության, գործարար կյանքի զարգացումները և Իսրայելի կողմից Գազայում տեղի ունեցած «ջարդերը»։
Նշենք, որ Թուրքիայում մարտի 31-ին անցկացված ՏԻՄ ընտրություններում ընդդիմադիր Ժողովրդահանրապետական կուսակցությունը (CHP) պատմական հաղթանակ է գրանցել, իսկ Էրդողանի գլխավորած կուսակցությունը, 2002 թվականին իշխանության գալուց ի վեր, ամենամեծ պարտությունը։ CHP-ն հավաքել է ձայների ավելի քան 37,76 տոկոսը, ԱԶԿ-ն՝ 35,48 տոկոսը։
