01.05.2026 | 09:27
Հայաստանի Հանրապետությունը ծաղկում է ապրում, և սա բոլորիդ աշխատանքի շնորհիվ է․ ՀՀ վարչապետի ուղերձը
Մակրոնը խոսել է այն մասին, թե երբ Արևմուտքը կարող է զորք ուղարկել Ուկրաինա
Քաղաքականություն
02.05.2024 | 17:40
Ֆրանսիայի նախագահ Էմանուել Մակրոնը կրկին չի բացառել Ուկրաինա արևմտյան զորքեր ուղարկելու հնարավորությունը, եթե Ռուսաստանին հաջողվի ճեղքել ճակատը, և եթե Կիևից համապատասխան հարցում ստացվի։ Մակրոնի խոսքով՝ այժմ Արևմուտքի առջև ծառացած գլխավոր խնդիրն է՝ թույլ չտալ Մոսկվային հաղթել Կիևին, քանի որ այդ դեպքում ռուսական բանակը կարող է ներխուժել եվրոպական այլ երկրներ։
«Մենք, անշուշտ, չափազանց անվճռական ենք եղել մեր գործողությունների սահմանները որոշելու հարցում այն մարդու համար, ով այլևս չունի դրանք և ով ագրեսոր է», – ասել է Մակրոնը The Economist-ին:
Արևմտյան մյուս երկրները նույնպես չպետք է մերժեն Ուկրաինա զորքեր մտցնելու տարբերակը, կարծում է Մակրոնը, և դա բացառելը նշանակում է «վերջին երկու տարվա դասերը քաղելու» ձախողում։
«2022 թվականի ամռանը ՆԱՏՕ-ի գագաթնաժողովում մենք բոլորս բացառեցինք տանկերի, հեռահար հրթիռների և ինքնաթիռների մատակարարումը: Մենք բոլորս այժմ աշխատում ենք դրա ուղղությամբ, ուստի սխալ կլինի բացառել մնացած ամեն ինչ»,- պարզաբանել է Մակրոնը։
Ավելի վաղ նույնպես Ֆրանսիայի նախագահը նման հայտարարությամբ էր հանդես եկել։ Այն ժամանակ նա ասել էր, որ ԵՄ երկրները մոտ ապագայում կարող են իրենց զորքերն ուղարկել Ուկրաինա՝ աջակցելու երկրին ռուսական ագրեսիային հակազդելու հարցում՝ ընդգծելով, որ ԵՄ ցանկացած երկիր կարող է ինքնուրույն զորքեր ուղարկել ուկրաինական տարածք, քանի որ «յուրաքանչյուր երկիր ինքնիշխան է, նրա զինված ուժերն ինքնիշխան են»: Նա հավելել է, որ Եվրամիությունը կանի անհրաժեշտ ամեն ինչ, որպեսզի վՌուսաստանը չհաղթի այս պատերազմում»։
