09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ՌԴ-ն համագործակցում է այլ երկրների հետ՝ նվազեցնելու ԱՄՆ-ի պատժամիջոցների ռիսկերը․ Պեսկով
Քաղաքականություն
02.05.2024 | 16:43
Ռուսաստանը շարունակում է այլ երկրների հետ համագործակցությունը՝ ամերիկյան պատժամիջոցների ռիսկերը նվազագույնի հասցնելու համար։ Այս մասին ճեպազրույցում հայտարարել է ՌԴ նախագահի մամուլի խոսնակ Դմիտրի Պեսկովը՝ պատասխանելով ՏԱՍՍ-ի հարցին։
Նա ասել է, որ Վաշինգտոնի սահմանափակումները չեն կարող խաթարել այլ պետությունների հետ հարաբերությունների զարգացումը։
«Միացյալ Նահանգները շարունակում է իր անթաքույց ճնշումն այդ երկրների վրա, ընկերություններ են տուժում։ Բայց դա ի վիճակի չէ խաթարել այդ երկրների հետ մեր երկկողմ հարաբերությունների զարգացումը, երկրները շահագրգռված են դրանում, նրանք պահպանում են իրենց ինքնիշխանությունը»,- ասել է Պեսկովը՝ նշելով, որ հույս ունի շարունակել համագործակցությունը այլ երկրների հետ և միևնույն ժամանակ «նվազագույնի հասցնել նման ոչ բարեկամական, ավելի ճիշտ՝ թշնամական դրսևորումների ռիսկերը»։
Հիշեցնենք, որ ԱՄՆ Ֆինանսների նախարարությունը հայտարարել է պատժամիջոցների մեծ փաթեթի մասին՝ Ռուսաստանի ռազմարդյունաբերական համալիրի, քիմիական և կենսաբանական զենքի ծրագրերի, ինչպես նաև երրորդ երկրների ընկերությունների և անհատների նկատմամբ, որոնք օգնում են Մոսկվային ձեռք բերել առանցքային ռեսուրսներ զենքի ու պաշտպանական արտադրանքի արտադրության համար։
Պատժամիջոցները սահմանվել են գրեթե 300 ֆիզիկական անձանց և ընկերությունների նկատմամբ Ռուսաստանից, Չինաստանից, Թուրքիայից, Ադրբեջանից, ԱՄԷ-ից, ինչպես նաև Բելգայից ու Սլովակիայից։
