07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Բաքուն պատրաստվում է Շուշիում Թյուրքական պետությունների կազմակերպության ոչ պաշտոնական գագաթնաժողով անցկացնել
Քաղաքականություն
02.05.2024 | 15:46
Բաքվում պատրաստվում է Արցախի հայկական Շուշի քաղաքում հերթական քարոզչական միջոցառումն անցկացնել, այս անգամ խոսքը Թյուրքական պետությունների կազմակերպության ոչ պաշտոնական գագաթնաժողովի մասին է։ Միջոցառման անցկացումն ադրբեջանական APA գործակալության հետ զրույցում հաստատել է Ղրղզստանի նախագահ Սադիր Ժապարովը։
«Մենք պատրաստ ենք և մտադիր ենք ամրապնդել մեր համագործակցությունը թյուրքական համայնքի շրջանակում: Այս տարվա հուլիսին Թյուրքական պետությունների կազմակերպության անդամ երկրների ղեկավարների ոչ պաշտոնական գագաթնաժողովը նախատեսվում է անցկացնել Ադրբեջանում՝ Շուշի քաղաքում, իսկ հերթական գագաթնաժողովը կանցկացվի աշնանը՝ Ղրղզստանում։ Վստահ եմ, որ այս իրադարձությունների միջոցով և՛ Ղրղզստանը, և՛ մյուս մասնակից երկրները հնարավորություն կունենան իրենց նախաձեռնություններով նպաստել թյուրքական ինտեգրման հետագա զարգացմանը, մասնավորապես, ամրապնդելով առևտրատնտեսական և ներդրումային համագործակցությունը»,- հայտարարել է Ղրզստանի նախագահը։
