24.06.2026 | 18:46
Ավետիք Չալաբյանը երկու ամսով կալանավորվեց
ՌԴ ՊՆ-ն հայտնել է ուկրաինական 12 անօդաչու ոչնչացնելու և որսալու մասին
Քաղաքականություն
02.05.2024 | 12:37
Մայիսի 1-ի լույս 2-ի գիշերը ուկրաինական 12 անօդաչու թռչող սարք է ոչնչացվել և որսացվել Ռուսաստանի տարածքում, հայտնում է ՌԴ ՊՆ-ն։ Դրանցից 5-ը՝ Բրյանսկի, մեկական՝ Կուրսկի և Բելգորոդի շրջանում, 2-ը՝ Ռոստովի մարզում, 3-ը՝ Կրասնոդարի երկրամասի տարածքում, փոխանցում է Current Time-ը։
Ուկրաինական անօդաչու թռչող սարքը նաև հարձակվել է Սմոլենսկի շրջանի հարավարևելյան հատվածում գտնվող էներգետիկ ենթակառուցվածքի վրա, ասել է նահանգապետ Վասիլի Անոխինը։
Մարտի 17-ից ի վեր առաջին անգամ ԱԹՍ-ների հարձակման է ենթարկվել Օրլովի մարզը։ Նահանգապետ Անդրեյ Կլիչկովը հայտնել է էներգետիկ ենթակառուցվածքների օբյեկտների վնասների մասին։ Նրա խոսքով՝ մի քանի տնային տնտեսություններում էլեկտրամատակարարման հետ կապված խնդիրներ են սկսվել։
Կուրսկի շրջանում էլեկտրահաղորդման գծեր են վնասվել Պոնիրի գյուղում։
Որևէ տարածաշրջանում զոհերի և վիրավորների մասին չի հաղորդվում։
