24.02.2026 | 12:34
Հայ բռնցքամարտիկները հաղթանակով են մեկնարկել հեղինակավոր մրցաշարում
Չինաստանը սկսել է իր երրորդ ավիակրի փորձարկումը
Քաղաքականություն
01.05.2024 | 21:41
Չինաստանի երրորդ ավիակիր Fujian-ը սկսել է առաջին ծովային փորձարկումները բաց ծովում: Այս մասին հայտնել է CGTN հեռուստաալիքը։
Նշվում է, որ փորձարկումների ընթացքում հիմնական ուշադրությունը կդարձվի Չինաստանում ամբողջությամբ մշակված և կառուցված ավիակրի էլեկտրակայանների և էլեկտրական համակարգերի հուսալիության ու կայունության ստուգմանը։
2022 թվականի հունիսին գործարկվելուց հետո Շանհայի Ֆուջիանի նավաշինարանն իրականացրել է նավատորմի փորձարկումներ, սարքավորումների համալրման և կարգավորման աշխատանքներ, որոնց արդյունքներով պարզվել է, որ նավը համապատասխանում է ծովային փորձարկումների տեխնիկական պահանջներին:
Հայտնի է, որ սա նոր սերնդի առաջին չինական ավիակիրն է, որն օգտագործում է երեք ժամանակակից էլեկտրամագնիսական կատապուլտներ (EMALS) ինքնաթիռներ արձակելու համար, այլ ոչ թե կարճ թռիչքուղով հարթակներ, ինչպես առաջին երկու ավիակիրներում՝ Liaoning-ում և Shandong-ում:
Fujian-ն ունի ավելի քան 80 հազար տոննա բեռնատարողություն, իսկ ամբողջությամբ բեռնվածության ընդհանուր քաշը շուրջ 100 հազար տոննա է։ Այն ունի ոչ միջուկային շարժիչ։
