Քաղաքականություն
01.05.2024 | 20:14
Թուրքիան տարբերակներ է ուսումնասիրում Իսրայելի դեմ դատական հայցին միանալու համար, որն ավելի վաղ Միջազգային քրեական դատարան էր ներկայացրել Հարավաֆրիկյան Հանրապետությունը։ Այս մասին հայտարարել է Թուրքիայի ԱԳ նախարար Հաքան Ֆիդանը Ինդոնեզիայի իր պաշտոնակից Ռետնո Մարսուդիի հետ մամուլի ասուլիսում, գրում են թուրքական լրատվամիջոցները։
«Մենք այսօր մեր գնահատականների արդյունքները ներկայացրել ենք մեր նախագահին և, համաձայն ընդունված քաղաքական որոշման, առաջին անգամ ուզում եմ դրա մասին հայտարարել այստեղ։ Որպես Թուրքիա՝ մենք որոշել ենք միանալ Հարավաֆրիկյան Հանրապետության կողմից Իսրայելի դեմ միջազգային դատարանում հարուցված գործին։ Հուսով ենք, որ այս քայլով Արդարադատության միջազգային դատարանում իրականացվող գործընթացը ճիշտ ուղղությամբ կշարժվի»,- ասել է Ֆիդանը։
Նա նշել է, որ երբ Անկարայի ուսումնասիրության իրավական տեքստն ավարտվի, պաշտոնական դիմումը կներկայացնեն դատարան՝ քաղաքական որոշումը գործնականում կիրառելու համար:
«Մենք կշարունակենք լինել Պաղեստինի ժողովրդի կողքին բոլոր իրավիճակներում»,- ասել է Թուրքիայի ԱԳ նախարարը։
