07.09.2026 | 11:21
Ունենք ոչ թե ավտոբուսների քանակի, այլ փողոցների ծանրաբեռնվածության խնդիր․ Ավինյան․ ՏԵՍԱՆՅՈւԹ
Նիկոլ Փաշինյանի կառավարությունն արտոնություն է տալիս Սամվել Ալեքսանյանի կնոջ՝ Շողերինա Մկրտչյանի ընկերությանը
Տնտեսություն
01.05.2024 | 16:07
Կառավարությունը չզեկուցվող հարցով որոշել է բավարարել գերակա ոլորտում իրականացվող ներդրումային ծրագրի շրջանակներում մաքսատուրքից ազատման արտոնությունից օգտվելու համար «ԼԵՔՍ ՏՈԲԱԿՈ ՔՈՄՓԱՆԻ» ընկերության կողմից ներկայացված հայտը:
Ըստ կառավարության հիմնավորման՝ անհրաժեշտություն է առաջացել ներմուծել 7 մլրդ դրամի հումքի լրացուցիչ խմբաքանակ՝ առաջիկա արտադրական պրոցեսի բնականոն ընթացքը չխաթարելու համար։ Իրականացվող լրացման արդյունքում ապրանքների ընդհանուր արժեքը կկազմի է 31․1 մլրդ դրամ։ Ընդհանուր արժեքի մաքսատուրքից ազատման արտոնությունը գնահատվում է 1․56 մլրդ դրամ։
Հիմնավորման մեջ նաև նշվում է, որ «ԼԵՔՍ ՏՈԲԱԿՈ ՔՈՄՓԱՆԻ» ընկերության կողմից ներմուծվող հումքը նախատեսվում է օգտագործել ծխախոտի արտադրության համար։ Ընկերությունը նախատեսում է թողարկված արտադրանքի 90 և ավելի տոկոսն արտահանել ԵՏՄ և երրորդ երկրներ։
Արտադրությունն իրականացվելու է Երևան քաղաքում, իսկ ընկերությունը հիմնադրվել է 2019 թվականին։ Ընկերության տնօրենը Գևորգ Մադաթյանն է, բայց ըստ իրավաբանական անձանց պետական ռեգիստրի՝ (e-register) ընկերության իրական շահառուն Շողերինա Մկրտչյանն է՝ խոշոր գործարար, ՀՀԿ-ական նախկին պատգամավոր Սամվել Ալեքսանյանի կինը։
Հիշեցնենք, որ նախորդ տարի ևս Նիկոլ Փաշինյանի կառավարությունը Շողերինա Մկրտչյանին պատկանող ծխախոտ արտադրող այս ընկերությանը 24 մլրդ դրամի արտոնություն էր տվել։
Մանյա Պողոսյան
