20.05.2024 | 23:30
Վերահաստատում ենք մեր խոր մտահոգությունը. Լրագրողական կազմակերպությունները՝ լրագրողների նկատմամբ ճնշումների առնչությամբ
Ադրբեջանի ԱԳՆ-ն Ֆրանսիային կոչ է արել «չմիջամտել Բաքվի ներքին գործերին և դադարեցնել անհիմն պահանջները»
Քաղաքականություն
30.04.2024 | 18:53
Վճռական կերպով մերժում ենք Ֆրանսիայի ներքին գործերի նախարար Ժերալդ Դարմանինի կողմից Ադրբեջանի հասցեին հնչեցված անհիմն մեղադրանքները։ Այս մասին հայտարարել է Ադրբեջանի ԱԳՆ խոսնակ Այխան Հաջիզադեն՝ մեկնաբանելով ֆրանսիացի նախարարի հայտարարությունները։
«Ադրբեջանին մեղադրելով, իբր, Նոր Կալեդոնիայի առնչությամբ անջատողականությանն աջակցելու մեջ՝ Ֆրանսիայի ՆԳ նախարարը մոռանում է, որ հենց ֆրանսիական կողմն է երկար տարիներ քայլեր ձեռնարկել Ադրբեջանում ագրեսիվ անջատողականության աջակցման ուղղությամբ և պարբերաբար ընդունել է անջատողական ռեժիմի ներկայացուցիչներին բարձր մակարդակով։ Հայտնի է, որ Ֆրանսիայի խորհրդարանը երկրի իշխող կուսակցության նախաձեռնությամբ ընդունել է որոշումներ և բանաձևեր, որոնք կասկածի տակ են դնում Ադրբեջանի տարածքային ամբողջականությունն ու ինքնիշխանությունը, ճանաչել են անջատողական ռեժիմը»,- ասել է Հաջիզադեն։
Նա Փարիզին կոչ է արել չմիջամտել Բաքվի ներքին գործերին։
«Մենք ևս մեկ անգամ կոչ ենք անում Ֆրանսիային՝ չմիջամտել Ադրբեջանի ներքին գործերին և դադարեցնել մեր երկրին ուղղված անհիմն պահանջները։ Եվս մեկ անգամ հայտարարում ենք, որ մեր երկիրը կշարունակի ձեռնարկել բոլոր անհրաժեշտ միջոցները՝ իր ազգային շահերը պաշտպանելու համար»,- ասել է Հաջիզադեն։
Հավելենք, որ ֆրանսիացի նախարարը հայտարարել է, որ Բաքուն փորձում է միջամտել Նոր Կալեդոնիայի գործերին՝ ի պատասխան հայերի պաշտպանության, ինչը պատիվ է Ֆրանսիայի համար։
