07.04.2026 | 11:40
407 հազար կմ Երկրից հեռու․ «Արտեմիս 2» առաքելության տիեզերագնացները նոր ռեկորդ են սահմանել
G7-ի երկրները համաձայնության են եկել մինչև 2035թ․ ածխից աստիճանաբար հրաժարվելու հարցով
Քաղաքականություն
30.04.2024 | 17:11
«Մեծ յոթնյակի» (G7) երկրների էներգետիկայի նախարարները սկզբունքային համաձայնություն են ձեռք բերել մինչև 2030-ականների առաջին կեսը էլեկտրաէներգիայի արտադրության մեջ ածխի օգտագործումն աստիճանաբար դադարեցնելու վերաբերյալ, գրում է DW-ի ռուսական ծառայությունը:
«Կա տեխնիկական պայմանավորվածություն»,- ասել է Իտալիայի էներգետիկայի նախարար Ժիլբերտո Պիչետտո-Ֆրատինը Թուրինում կայացած հանդիպման ժամանակ։
Վերջնական համաձայնագիրը պետք է ստորագրվի այսօր՝ ապրիլի 30-ին, որից հետո կհրապարակվի տնտեսության ապակարբոնացման մանրամասն պլանը։
G7-ի երկրները դեռևս 2023 թվականին պայմանավորվել էին աստիճանաբար հրաժարվել ածխով աշխատող էլեկտրակայաններից, սակայն երկրները չկարողացան համաձայնության գալ ընդհանուր ժամկետների շուրջ:
Վերջնական համաձայնագիրը քայլ կլինի 2023 թվականին Դուբայում ՄԱԿ-ի կլիմայի համաժողովում համաձայնեցված նպատակներին հասնելու համար: COP28-ի արդյունքների փաստաթուղթը կոչ է անում հանածո վառելիքից հրաժարում, սակայն հստակորեն չի սահմանում ածխից, նավթից և գազից փուլային հրաժարում:
