23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ուրսուլա ֆոն դեր Լեյենը չի բացառել ԵՄ-ում TikTok-ի արգելքը
Քաղաքականություն
30.04.2024 | 17:00
Եվրահանձնաժողովի նախագահ Ուրսուլա ֆոն դեր Լեյենն ակնարկել է, որ TikTok-ի արգելումը Եվրամիությունում հնարավոր է։ Այս մասին նա ասել է Մաաստրիխտում կայացած բանավեճի ժամանակ, որտեղ ներկայացվել են 2024 թվականի ընտրությունների համար կուսակցությունների առաջատար թեկնածուները, գրում է Politico-ն։
«Դա բացառված չէ»,- ասել է ֆոն դեր Լեյենը, երբ մոդերատորն անդրադարձել է Միացյալ Նահանգներին, որտեղ TikTok-ին ազգային արգելք է սպառնում, եթե այն չվաճառվի սեփականատիրոջ՝ ByteDance-ի կողմից:
Ֆոն դեր Լեյենը նաև հավելել է, որ հանձնաժողովն «աշխարհում առաջին ինստիտուտն է, որն արգելել է TikTok-ը կորպորատիվ հեռախոսներում»:
«Մենք հստակ գիտենք TikTok-ի վտանգը»,- ասել է նա։
Ուրսուլա ֆոն դեր Լեյենը հանդես է եկել ոչ թե որպես հանձնաժողովի նախագահ, այլ որպես աջ կենտրոնամետ Եվրոպական ժողովրդական կուսակցության գլխավոր թեկնածու, բայց այս հայտարարությունները հնչում են Եվրոպայում TikTok-ի համար մի շարք վատ նորությունների ֆոնին:
Լուրի հրապարակման ժամանակ TikTok-ը չի պատասխանել լրատվամիջոցի մեկնաբանության խնդրանքին:
